آلاد منعر عز منهم حزامه

[بنت برقا]

[align=center][tabletext="width:70%;"][cell="filter:;"][align=center]
السلام عليكم ورحمة الله وبركاته

أسعد الله مسائكم بكل خير

نقدم لكم قصيدة الأستاذ الشاعر الباحث / فارس بن مدالله الدغيلبي

في قبيلة الدغالبه

قصيدة طويله يمدح بها الشاعر قبيلة الدغالبه ويمدح شيخهم وفارسهم الأسطوره / خزام المهري

ويذكر بها بعض الوقائع التاريخيه المشهوره لفرسان قبيلة الدغالبه ولأمجاد هذه القبيله العريقه


إليكم هذه المعلقه :

البارحة جتني هجوسـي مناويـب

وإستلهـم الفكـر المعنـا غرامـه

أجيب بعض أحيان وأحيان ماجيـب

وجلست لين الليـل قفـا ظلامـه

ورد البيوت المقفيـات المصاعيـب

اللي لهـا بالشعـر رسـم وعلامـه

هو منيتي ومنـاي عنـد المواجيـب

والرجل لامن قال يحمـى كلامـه

أتعب على الفكره وغيري تواعيـب

والنقـد جائـز والتكبـر رخامـه

والشعر وهبه من جزيـل المواهيـب

اللي يصيب أدنـاه واللـي سنامـه

وإن جيت للواقع بشتى الأساليـب

من الماضي الماثـور حتـى ختامـه

بذكر فعول مطوعيـن الأصاعيـب

ربع(ن) لهم في قمـة المجـد قامـه

تاريخهم من قبل عصـر الكتاتيـب

وقبل الخوان وقبل حـرب الرغامـه

يكتب بفعـل منزحيـن الأجانيـب

الأد منعـر عـز منهـم إحـزامـه

غزواتهم يشبع بها النسـر والذيـب

كم شيخ قوم(ن) وسدوه العدامـه

والليا وقفوا من دون حرش العراقيب

يروون حـد الـزان والا حسامـه

والليا لحقوا من فوق قب(ن) مداريب

إلهـم علـى راع المجـوخ ضرامـه

رجالهم يارد على المـوت لاهيـب

يوم(ن) ولـد الآش تبـرد عظامـه

يقودهم شيخ(ن) عريب المناسيـب

هـو الزعيـم ويستحـق الزعامـه

خزام ستـر(ن) للبنـي الرعابيـب

وخزام خيـال الظعـن والجهامـه

عدا بربعـه فـوق روس المراقيـب

زود(ن) على الظفران طيب وقرامـه

والفعل ثابت بالسيـوف المحاديـب

في نجد صلنا مـن جنوبـه لشامـه

وبالشـرق والا لاتجهنـا مغاريـب

نلبس وقار الطيب من كـل خامـه

ويا سائلي بعطيك نبـذه وتقريـب

لوكان ماتحصـا فعـول الشهامـه

عدوبنـا الغلبـا وحنـا الغواليـب

وحزنا الأصايل بالفعـول الجسامـه

صرنا على الغازين شـر وعواقيـب

والشيخ طاح وطيحتـه مستدامـه

وذعار يـوم إنـه لحـق بالمطاليـب

في ثار أخوه وصامـل(ن) فإنتقامـه

صار العشـا لمعكفـات المخاليـب

بمشوك(ن) يفضا العظـام إلتحامـه

وغنا بنا الهيضـل وجالـه مجاويـب

ربع(ن) يضدون الضديـد بصرامـه

ردوا عليه البل وزادوا على الطيـب

وعاداتنا بالطيـب ناخـذ وسامـه

وفعلن لجدي يوم وقت المكاسيـب

يوم(ن) عج الخيـل ثـور عسامـه

فادى بنفسه دون شول الأقاريـب

والجمع مـن رمحـه تغيـر نظامـه

وثلاثة الشيخـان ردوا مصاويـب

وغنت مويضي تمدحـه فـي مقامـه

وعبدالله الرجعه عطيب المضاريـب

يوم إقتحم وش جاه عقب إقتحامـه

أضحى عليه من الجوارح لواعيـب

وعضت عليه من النواجـذ ندامـه

وإبن قويد اللـي يقـود الأشانيـب

فالمعتـرك قامـت عليـه القيامـه

امسى على راسـه يجـر التقانيـب

ذيب(ن) بعد جوعه تحقـق مرامـه

وإللنا مع العجمان وقفـه وتحزيـب

هاك النهار اللي شديـد إحتدامـه

يوم(ن) إبن جمعـه يجـر المحاريـب

حنا على البيـداء قصرنـا حلامـه

قول الحقيقـة مانقـول الأكاذيـب

الكذب مـا تبنـى علينـا خيامـه

ونشرب إلليا عالوا علينا الشواريـب

بمجمع(ن) مثل موج البحور إلتطامه

ولانقدم الهزلـه ولا نقبـل العيـب

ونجنح لسلم أهل الوفـا بإستقامـه

وللجار عـز وللمسيـر مراحيـب

ثنتين من مبـدأ الكـرم والكرامـه

عشنا على الدنيـا يدينـا مساليـب

نبذل ولا نخشـى كـلام الملامـه

ودخيلنا يدخل ولا يلحقـه ريـب

يدخل بسلـم ويهتنـي بالسلامـه

فزنابهـا يـوم الليالـي شواهيـب

واليوم زاح الشـر وأقفـا غمامـه

نذعن لشرع الله وحكـم المعازيـب

والمحترم يفـرض علينـا إحترامـه

احترامي
[/align][/cell][/tabletext][/align]

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

[عبدالله السفياني]

نقل جميل ومميز والنعم في
جميع القبائل

والشاعر له الحق يمدح ربعة
وهذا شي لابد منه ان يذكر مكارم الاخلاق
مثل الكرم والجار والضيف ويعتز بالدين

صح لسان الشاعر لقد ابدع وذكر الاجمل

الله يوفقك على هذا النقل المميز

[بنت برقا]

حياك الله استاذي عبد الله السفياني

وهذا شرف لي تواجدك العذب في متصفحي

[سنجار المري]

صح الله السانك على هذا النقل وعزالله يستاهلون الهيلا

كفوا كفوا يالدغيلبي فعل وشعر

[بنت برقا]

حياك الله اخوي سنجار المري

وهذا شرف لي تواجدك العذب في متصفحي

[عتيبي نجد]

يستاهلون ربعي

صح السان الشاعر المبدع

يعطيكِ العافية يابنت العم

[مشاعر مجروحه]

صح لسان الشاعر وكفو

وتسلم يدين الغلا الي نزلهااااا

[سعيد محمد القحطاني]

بنت برقا أصيله يبنت الاصيل قصيده
جميله وعادتك الجميل الدغالبه كفو والشاعر كفو والقصيده كفو
وانتي كفو ومبروووووووك الاشراف
وقدهـا وقدود وتستاهلين الزود وعاداتك الجود

[هوى الغربي]

صح الله لسانه ونعم وسبعة انعام من غير قصور فالباقين

الله يعطيك العافيه

[بنت برقا]

عتيبي نجد

مشاعر

سعيد

لاحرمني الله من هالطله

اضاء متصفحي بجمال تواجدكم العذب