عطني امل والصعيب يهون لعيونك

[سعيد محمد القحطاني]

بسم الله الرحمن الرحيم

السلام عليكم تحيه معطره تعانق ذايقتكم

ابيات متواضعه تقبلوها ولكم شكري وتقديري


ضاع الرحاء يالله بحضن يساعدني
................ اجيك بعد البطا واقول وش لونك

مانيب مجنون لكن لا تباعدني
......... ولا انتي بليلى لكني صرت مجنونك

من اولى شوفتك حلم يراودني
.........واليوم خاب البخت والخض من دونك

لابارك الله بيوم منك يبعدني
........،.. عطني امل والصعيب يهون لعيونك

تدري وش اللي على دنياي يسعدني
..........،...... انك تلد النظر في حـالـ مظنونك

حالي قضا وانت بالقيا تواعدني
........... انا احترق وانت تقضيها على هونك

ماجيتني بس مدري ويش قاردني
................ خصيتني بالعذاب وقلت ياعونك

لأمن معرفه ولا سلم يوردتي
............ وأخاف ربعك على شاني يحسونك

اليوم نظرات خلق الله تعقدني
....................كن المخاليق بعيوني يشوفونك

ان كان يرضيك وضعي قلت لك زدني
................ الرمح بيدك وانا المقتول بطعونك

موتي على شان عينك ماينقدني
............. .........عذال ربعي وربعك لايهمونك

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[الماسـه]

مآشآء الله ابداع صح لسآنك سعيد
ابيآت رائعه من شآعر آروع
وهذا والله مو غريب على شاعر بمستواك
الله يحفظك ويحميك يآرب

[مجازفف]

صح الله لسانك ....

[سعيد محمد القحطاني]

الماسه تسلمين ياغاليه مشكوره على مرورك
وشادتك جعلك تسلمين تحياتي لك ولاهنتي

[سعيد محمد القحطاني]

مجازف هلابك ي غالي
صح بدنك ولاهنت

[عامر صالح ال شنيف]

ارحب يااا سعيد
وصح صح صح صح الله السااانك وفكرك وبنضك يا الجزل
قصيدك له رووونق خااااص ومذاااق عااالي
لله درك من شااعر
تقبل مروري المتواااضع

[فراشة]

ان كان يرضيك وضعي قلت لك زدني
................ الرمح بيدك وانا المقتول بطعونك

موتي على شان عينك ماينقدني
............. .........عذال ربعي وربعك لايهمونك



الله عليك يّ الشيــــخ بذا الدرر .. ..
ماشاء الله عليك .. والله لايضرك ي السنافيّ ..
جاازتلي بدون مجاملة ..
و تقيييم ..

أنت وشعرك.. الى جنات الفردوس يّ قدير ..

[محمد الشريف]

تدري وش اللي على دنياي يسعدني
..........،...... انك تلد النظر في حـالـ مظنونك

حالي قضا وانت بالقيا تواعدني
........... انا احترق وانت تقضيها على هونك
الله اكبر يابو محمد تبي تقلب المواجع انت صح الله لسانك ولاهنت وبيض الله وجهك جزل كما عهدناك

[سعيد محمد القحطاني]

عامر صالح والنعم فيك تسلم ياغالي
صح بدنك ولاعليك زود الله يجمل حالك وفالك
شكرًا اسعدني مرورك ولاهنت

[سعيد محمد القحطاني]

فراشه
تسلمين ي غاليه يطول عمرك
مشكوره على مرورك وكلامك الطيب
يعافيك ربي تحياتي لك