عطيتيني جفا .. وش تحتريني من ورااه .. اعطيك

[بنت برقا]

مواااويلي على دربك تقول من الالـم.. مابيـك
لانك سبت اللي سااار فاللي.. سااار ( يافلانـه )
وش اللي في نظرك يحدني.. ويردني.. واجيـك
وش اللي يجبرك وانتي على قولتـك.. زعلانـه
ذكرتينـي بعـد هديتـي العشـره.. وباياااديـك
كما اللي يكذب وفجاءه.. يصدق كذبـة لساانـه
انا مهما تناسيت ونسيـت وقلـت.. متناسيـك
ومهمـا قلـت لوماقلتلـك // تبقيـن غلطااانـه
وش اللي يستفيده قلبي اللـي يوجعـه طاريـك
وش اللي تستفيده روحي اللـي منـك تعبااانـه
عطيتيني جفا .. وش تحتريني من ورااه اعطيك
وش اللي لابغيت ابني عليه.. اقول [ شرهاانه ]
ابنسى.. بس كيف انسى جروح داخلي تشكيـك
تقول من الالم قلبي دخيلـك.. تكفـي احزاانـه
تحمل فوق طااقااته..وكـان مـن الولـه يغليـك
وكان من الوله يخفي همومه عنـك.. واحزاانـه
تعب من هالسواايا.. والسواايا بعضهـا يكفيـك
كما بعض الالم.. يصعب على الانسااان / نسياانه

وصل الله حمود الوقداني

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات