ابغى المنام وكل ماجيت ابرقد ..؟

[الودعااني]

ابغى المنام وكل ماجيت ابرقد
حالت همومي بين نومي وعيني

ياما وياما في دجى الليل الاسود
تسهر عـيـوني والعرب نايميني

مالذلي حــلــــــو الكرى واتجلد
وليمن بــغـيــت النوم عيا يجيني

كثرت هموم القلب مـاعــاد تنرد
قامت تجيني مـــن يسار ويميني

اخفي العبرات بـالـقـلــب واجحد
واضحك مع السالين والهم فيني

على ولـــيـــفً طاع قول المقرد
ونسا عهود بينا لــــــــــه سنيني

ماعاد جاء والبيت الاول عن الشد
ومــــحــــدً ذكرلي وينهم نازليني

بان الجفاء مــــن صاحبي ماتأكد
وعــنــي قــطـع المواصل ظنيني

نــــومــي بــــــعــــــد وليفي تنكد
وامسيت اجاذب عبرتي والونيني

فــرقــاه ساعه مثل عامين وازود
مقدر عـــــلـــى فرقاه يا عذاليني

حبه فـــــــــي قلبي كل يوم يتجدد
واشوف زوله كـــــل يوم يجيني

ولذكره نــهـــايــــه ومعلوم لأحد
والحب يبقى مــع طوال السنيني


رآآآآآآقت لي حيل ,,

الشاعر : محمد بن ناصر

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[تــرف]

صح لسـأإن كـأإتبهـآ ولأهنتٌ { الودعــآني }
انتقـأإء جميل ..
تحيآتي

[الودعااني]

اقتباس:
المشاركة الأصلية كتبت بواسطة تــرف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسـأإن كـأإتبهـآ ولأهنتٌ { الودعــآني }
انتقـأإء جميل ..
تحيآتي

ترف صح بدنك ولا انتي يالغاليه انتم من علمنا الانتقاء والرقي اشكرك الغاليه ولاهنتي ,,

[فراشة]

كل حرف بذا القصيدة يــــــــوجع .. على ذكرى وحدة غالية..


لاهنت يّ الودعانيّ .. الله يعافيك ..
تستاهل فــأأأأأأأيف ستـــار ..+++

[الودعااني]

اقتباس:
المشاركة الأصلية كتبت بواسطة فراشة [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
كل حرف بذا القصيدة يــــــــوجع .. على ذكرى وحدة غالية..


لاهنت يّ الودعانيّ .. الله يعافيك ..
تستاهل فــأأأأأأأيف ستـــار ..+++

فراشة اتعذر منك وربي ماحب اذكر احد بشي يوجعه انا اتوجع في ذمتي بسسس يارب ماكررها

اشكرك من كل قلبي ولاهنتي ,,