كم قلت .. أربّه ..بس ( ربّي وربّه)

[فهد الهباش]

من الأرشيف

ياللّـي تصـبّ الكـيـف عـجّـل بصـبّـه
ناولـنـي الفنـجـال يـابــن الحـمـولـه

الأوضـاع عنـدي مـاهـي بمستتـبّـه
اعدل مزاجـي واسمـع اللّـي بقولـه

احذر طريق اهـل الهـوى والمحبّـه
مـا كـل مـا تبغـى يـجـي بالسهـولـه

يالـيـتـنـي مـثـلــك لـقـيــت الـمـنـبّـه
من قبـل ماخـذ فيـه صولـه وجولـه

لـكـن وقـعـت ووقعـتـي مــا تـشـبّـه
إلّا بـوقـعـة مـــن عـدالــه مـيـولــه

حبّيـت واثـر الحـبّ علّـه .. وطـبّـه!
السمع والطّاعة ..ورجوى وصوله

تكفـى أحبّـه .. ثـمّ اسـبّـه .. واكـبّـه
وارجــع لحـبّـه .. واتـرجّـى قبـولـه

كـــم مرتـن..حـاولـت بــنــه يـتـنـبّـه
لــعــل نـفـســه لـلـمـحـبّـه ذلــولـــه

كم قلت .. أربّه ..بس ( ربّي وربّه)
أقوى دفاعـن فـي هجـوم الرجولـه

يا صاحبي حكيـن حكـى خـوك خبّـه
أخــاف لا حـكـيـي يـجـيـه ويـطـولـه

تعـال صـبّ الكيـف .. لاخـوك صبّـه
سولـف معـه وافهـم كلامـن يقولـه

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]