مـجبــور ,,

[خالد العبيريد]

بسم الله الرحمن الررحيم ,,

سلام عليكم ورحمة الله وبركااته ,,

اسعد الله جميع اوقاتكم بكل خير وكل سرور وسعادهـ ,,

اقدم لكم ابيات متواضعه علها ان ترتقي لذائقتكم وتحوز على رضاكم وهي عندما سألني الاخ يحيى الاوسيود وش اخر ماكتبته في القصيد وكان هي فعلا ً قلتها له قال طالبك نزلها للملتقى قلت ابشر ونسيت ويعلم الله ماهوب تجاهل في اخوي لكن النسيان يغلب علي دايم وانا والله اني استمد العذر من شاعرنا الغالي يحيى الاوسيود ويعلم الله يايحيى اني انسى وانت تدري ان نسياان كثير واليوم اقدمها امامك وامام الجميع كتابه وصوت وأسف مره اخرى على التأخير ,,

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


على فكره ترى الصوره الي بالمقطع صورتي يووم كنت عسكري
[poem=font="Times New Roman,5,darkred,bold,normal" bkcolor="white" bkimage="" border="double,5,darkred" type=1 line=0 align=center use=ex num="0,black""] مجبور تتركني وانا عنـك مجبـور=أبعـد مـدام أن الـظـروف أحكمتـنـا
هاذي مقاديـر الزمـن دورهـا دور=دارت بـنـا يـاشـوق ثــم وهقـتـنـا
لكـن فعـل الوقـت ماهـوب مقـدور=بــاح الصـبـر وأيامـنـا ماعطـتـنـا
وناس ٍ لها فالعذل منهج ودستـور=بظـنـونـهـا وافـعـالـهـا عاقـبـتـنـا
ماترحم الخاطـر ليـا كـان مكسـور=جـعـل الـبـلا فيـهـا مــدام ابتلاتـنـا
وعزي لدمع ٍ فوق الاوجان منثور=ينسـاب مـع ذكـرى ً قديمـه كوتنـا
ايـام راحـت كلهـا نـور فــي نــور=مــن ضئـيـهـا فأحـلامـنـا ولعـتـنـا
لكن غرامك داخـل القلـب محفـور=ولأنسـى لـيـال ٍ بـالـوداد اجمعتـنـا
اذكـــر مـحـبــك وانــــت بالـخـيــرمذكور=يأغلى بشر عنه الظروف امنعتنـا
منسااك لين اصيـر فالقبـر مقبـور=لــو السـعـاده شمـسـهـا خالفـتـنـا [/poem]


وسـلامة نـواظركم وقلووبكم ,, خالد العبيريد .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

---

التعديل الأخير تم بواسطة خالد العبيريد ; 06-03-2012 الساعة 11:42 PM