-سَلامْ ياللَي مَوطنه وسَط الأنفاس ْ-

[هايمه في ابن فطيس]

السلام عليكمْ ورحمة اللهَ وبركاتهَ..
اسعد اللهَ ايامكمْ..

لمحت شق النور في صدر الأدماس

وسقيت كل حرفٍ بدا في بريقه

وجرعت مر الصبر من كاس لى كاس
حتى أزهرت في جوف روح الحقيقه

أبيات شعرٍ صاغها الوقت بإحساس
من نفس ماتت في بحوره غريقه

الشعر نومس بالعرب ناس وأجناس
وكلٍ ببحره عارفٍ وش طريقه

أحدٍ بشعره يجلب الضحك ل الناس
وأحدٍ يسولف بالجروح العميقه

وأحدٍ بربعه عد بالشعر نوماس
يوم يتفاخر في قصيده رفيقه

رميت حلمٍ ماتزعزع به الساس
وقلبّت ب التاريخ .. قصه عريقه

لـ لله دره كل مازارني .. ياس
وقامت تحاذف بالصدر ألف ضيقه

سلام ياللي موطنه وسط الأنفاس
بعداد نبض الشعر لـ أبتل ريقه

وبعداد نيران الفكر وسط هالراس
وشيءٍ تعوفه النفس وشيءٍ تطيقه

أسنين أحرث بالأمل وأزرع الباس
وأكسب من الأيام .. لو هي دقيقه

هذا وحلمي زارعه وسط قرطاس
وأنزف عليه الحبر من قبل أفيقه

أشرق وهب الشعر بالفكر نسناس
وسقيت كل حرفٍ بدا في بريقه

عله يسولفبي على ألسان الأحساس
أو هو يبيّن .. ب المحبه رقيقه

..

لـ/الشاعر بندر المطيري