سكر زيادة

[علي العلي]

مسا الخير على الجميع

بسم الله الرحمن الرحيم

قصيدة مهداة الى الغالين


في كوب قلبي صرت سكر زيادة*** ومن الغلا بنة وعمسة شحوني
والجوف نجر(ن) دق باقي قنادة***والجمر شوق(ن) والعويدي شجوني
بالهون حبك فايح(ن) بالركادة*** والحضن دلة صوتها لقموني
والوصل فنجال(ن) وقصرة نكادة***عجل علي ما يشرب الولف دوني
والقلب غافل ما صحا من رقادة***قرطوع يبري علة(ن) في الجفوني
والبعد جرح(ن) والملاقا ضمادة***قتيل حب(ن) مالقالة كفوني
والعز جوخة والشجاعة صمادة***والحب ذل(ن) والعقادة تهوني
والغدر برد (ن) ما تناقص برادة ***وان غاب نجمة ما سلمنا الضنوني
يللي تدور لدفا في رمادة *** تلقى جثامير الوفا ما تخوني