اليكم ... صرخة الشام

[فارس الجهيمان]

أرقى التحايا لأرواحكم الطيبه ..

أبيات متواضعه جداا أتمنى لها القبول

لديكم ..



صرخة الشام ..


مال الدموع اليوم منديل وأكمام
والشام تصرخ بالغبن والمشاكى

آهاتها مترادفه ضيم والآم
وعبراتها من هول ماهو خفاكى

وناتها يسخف لها الرمح والخام
وشلون .. وإحنا بالعباده شراكى

الصوت مايداويله إجروح وأسقام
ولاهوب يطفي حرة(ن) في حشاكى

الصوت دافع وعي والمقصد إلمام
للي تخم البشت لأجل المراكى

درعى إلبست ثوب المكابد والاحطام
وإعيالها إتشيل الجنايز إعكاكى

يوم(ن) تعيشه حمص كنه مية عام
متكالبات الغيض والدم سفاكى

واللي بحماه يدور تشكيه الأيام
تبكي عليه أرواح هي من فداكى

كم بنت مجروحه وكم زاد الأيتام
وكم من عجوز(ن) في ولدها تباكى

وكم من صغير(ن) راح في موته إعدام
وأبو(ن) يموت من القهر والمذاكى

واللي يسوّي العاهر أكبر من إجرام
ويقول حنّا بسلم ومابه عراكى

كذاب(ن) وخاين عبر كل الاعلام
تامر وتنهى ولاهو ريّض مداكى

ياشام لاتشكي من الجرح ياشام
في عزة الله تعود كما سواكى

بيدين من ضاموا ولاغيرهم ضام
على العدا خلّو شوامخ دكاكى

آل الخليج اللي على العز وإسلام
رماح غيرتها تزيد بعناكى

إخزام للعدوان ياقشرها إخزام
ماتشيل يدها غير تقلب غطاكى

أنتم سعد من حار في وقته وهام
وانتم ذرى اللي عن شرفها ذراكى

تكفون واللي منزل القاف وأنعام
بكبودنا غلّه عليه وحراكى

الخيل مسروجه وفي راسها الجام
وفريسها اعيال(ن) تذود بحماكى

ماعنه مردود المصاقيل مكعام
إلا يعثر والا النعي مانعاكى

مردود علمك بالثرى فيك ملام
ولاتنفعك فيها ياليت وعساكى

يالرافظي وإن كان في خشمك إعرام
حنا عرمنا خشوم وحنّا دواكى

نشوم في فعل(ن) على عزنا إلزام
فعل(ن) به السنّي بينهي نباكى

مالك عوين بوقتها ومالك إحزام
وماينفعك منهو دعمك وبلاكى

وإن مافعلنا وصار ماقلت بإتمام
فعدّنا نــســوان إزّيد المحاكى


..


وسلامتكم


..


[/color][/size][/color][/font][/color][/color]

 

 

 

 

 

 

 

 

توقيع : فارس الجهيمان

الشوق يسبق نظرتي لمنياتي .. لوّه يشاف إن كان عدّى الشواهيق والشوق لهفه ياحياتي لحياتي .. لاصرت جنبي واللقى شبه توفيق .. أتشرف بمتابعتكم بتويترalharbi085@