وين انت ياللي يبي قربي وأبي قربه

[سعيد محمد القحطاني]

بسم الله الرحمن الرحيم

أعزائي الكرام السلام عليكم تحيه عطره أحبكم واقدم لكم

هذاه الأبيات المتواضعه امل ان تجدون بين سطورها

مايشفع لكاتبها



يالله يافارج الضيقات والكُربه
................. يامنشي المزن بالنو المراهيشي

يامن دعا باسمه المومن واكبربه
.............. يارافع الطير بالجنحان والريشي

فرج على اللي تضايق شرقه وغربه
............ ماذق طعم الحياه ولا درى ويشي

يامل قلبن غرابيله تباشربه
.................. لازان جوه نهار جاه تشويشي

يوم اتذكر زمان(ن) راح والطربه
..............يومن سني صغير وطايشْ طيشي

اخيل برق الرجاء واسري على دربه
.............. ماملت أقدام رجلي. من مطاريشي

اليوم ضاق الطريق وطالت الغربه
.................وطالت علي المساري والمغابيشي

بغيت اصارع زماني وأخذ الحربه
......وهاجت جيوش الزمان وحطمت جيشي

لن الزمن صارله عذرن تعذربه
............. قصده يحرش علي عداي تحريشي

وقفت ضد الزمان وكرر الضربه
............... عنده ذرايع لا تعذيبي وتطفيشي

لاسامح الله زمان(ن) حطني جربه
..................... عزالله انه قفلها قفلة الشيشي

وين انت ياللي تبي قربي وأبي قربه
............ كنك تفتش تحت الأضلاع تفتيشي

وانا له اشفق من الضامي على الشربه
..........وغيره من الناس مايروي معاطيشي

اودعك ياغصون الزرع والتربه
...... باسكت على حاجتي ماكني ابغيشي

مانيب احسب الخسائر كم تقدربه
............ مادام رزقي على الخلاق باعيشي

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[جروح الصمت]

إبداع

يعطيك العافيه

صح السانك وعلى شأنك

[ترانيم المطر]

وين انت ياللي تبي قربي وأبي قربه
............ كنك تفتش تحت الأضلاع تفتيشي

وانا له اشفق من الضامي على الشربه
..........وغيره من الناس مايروي معاطيشي

الله الله الله الله
شاعرنا العذب
لقد أمتعتنا عسى الله يفرج هم كل مسلم
لقد قرأت شعرا ولقد إرتويت هذا المساء
نعم هنا ترتوي الذائقه من أراد أن يقرأ شعرا فليقرأ لشاعرنا العذب
تقبل تحياتي وتقديري أختك / ترانيم المطر

[الماسـه]

ماشاء الله . . صح لسآنك سعيد
ابيآت قمه فآلجمآل
وهذا والله مو غريب على شآعر مثلك
الله يحفظك ويحميك يآرب

[محمد الختلان]

صح لسآنكـ يآسعيد
قصيده جميله
تقبل مروري آلمتوآضع

[التهامي]

وش السالفه يا شعرانا قصايدكم هاليومين كلها عن الغربه والكربه ومدري ايه

اعطونا شي ينعش القلب واتركونا من الهموم والغرابيل هههه

العموم صح لسانك وبنانك وكان الله في عونك

[شايمه]

اليوم ضاق الطريق وطالت الغربه
.................وطالت علي المساري والمغابيشي

بغيت اصارع زماني وأخذ الحربه
......وهاجت جيوش الزمان وحطمت جيشي




مانيب احسب الخسائر كم تقدربه
............ مادام رزقي على الخلاق باعيشي



صدقت....
صح لسانك واعتلا شانك دنيا وآخره...

[فراشة]

عسى الله يحقق مٌرادكَ .. .. سح لسانكك ..
دوم قافـك فريـد.. لاهنت يا شاعرنا الجزل ..

أمتنانـيّ *

[مشاعر مجروحه]

وانا له اشفق من الضامي على الشربه
..........وغيره من الناس مايروي معاطيشي







سعيد وش اقو وش اخلي من جد يسلم راسك ويسلم روحك
قصيده لامست شعوري وحركة اشجاني وطلعة ماكان خافي
سعيد الله يستر عليك ويجعلك للجنه
قصيده من اروع القصائد لهاذا الاسبوع
تقديري وتقييمي لشخصك الكريم++++++

[فهد ثامر البقمي]

الله الله

صح السانك ولا هنت على هذه الفريده

مبدع وجزل وراهي

اخوي سعيد

دمت بحفظ الرحمن