مجاراة , لقصيده عابره

[عبدالله السناني]

السلام عليكم ورحمة الله وبركاته ,

حبيت اقدم لكم هذه القصيده , والحقيقه اني اجهل شاعرها , ولكن القصه
ان هذه القصيده ارسلها صديق لي عزيز وغالي , وانا كنت احسب انه هو اللي كاتبها, لآنه مزود بيت
بس , بعدين يوم سألته وبحثت بالنت , عرفت انها ماهي له , وهو اخبرني بعدين ,
بس اول ماجاتني رديت عليها , واخليكم مع البدع , والرد




الحب والشوق والضيقات والصده
حطت على وجهي المقبول ماريه


احد(ن) زهاله سواد الخال في خده
وحدً(ن) بخده من هموم الدهر كيه


تكفى يابو عابد انك ليّه ترده
تكفى وتكفى وتكفى رجعّه ليه



يزل.... وقول يمكن ماهو بوده
غلطه ويمكن على ماقيل عــفويه


عزي لحال(ن) على فرقاه من حــده
وعزي لقلب(ن) الا من حل طاريه


يتوق توق الوحش في كف من هده
لا طار مالد عينه صوب راعيه.




وهذا ردي عليه




الهم والبعد والحرمان والكده
حطت على وجهك المصفوق جبريه

سدد وقارب او مابخاطرك بده
للي كوى وجنتك في ناره الحيه

لآتقول تكفى وخلك بايح(ن) سده
الغلطه بعشر والله يعلم النيه

اسحب على اللي يبيع الود من وده
يالخاطر اللي تولعك الرومنسيه

لاترثي الحال يالصاحب ولا تضده
من صد عند اتركه وتبدل بـ زيه

ترى طيور الهدد في حزت الشده
تطرح عشاها لونه فرخ قمريه

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[موسى ابومشهور]

رائعه منك هذه المجاراه وانت شاعر لاشك في تميزة وابداعه صح لسانك مليارات

[ترانيم المطر]

صوت وصدى ولااااااااااااااااا أروع

[المطنوووخهـ]

اقتباس:

لاترثي الحال يالصاحب ولا تضده
من صد عند اتركه وتبدل بـ زيه

ترى طيور الهدد في حزت الشده
تطرح عشاها لونه فرخ قمريه




لاهنت وصح لسانك على المجاراه