مرحبا وأهلين بالشوق دامه دعاك

[عمار عادل الدليجان]

يـا حـبيـبي جعـــل كــل مـا فينــي فــداك
وعـروق قلـبي أنــت معـزبها وضيفهــا


مرحـبا وأهلين بالشـوق دامه دعــاك
اقلـط / بيـن المحـاني وأشرب من كيفهـا


ضمني .. على صدرك وسمعني حكاك
لبى حكاك وضحكتك وعيونك . وتلويفها


خذني .. من جروحي وسافر بي معاك
وجيهم . وش لي بها / مدامني معيفها


لي سنه وشوي / وانا اتحرى لقاك
محتاج لك وأبيك في بردها وبصيفها


أسمر بـ عين الناس وبـ عيوني ملاك
كلك حلا / وعيونك وش اللي مخيفها


قلت أحبك / وأنت ما تدري ( بغلاك )
والناس لو تزعل علي / تزعل بكيفها


لـ عمار بن عـادل الدليجـان