أشــــهـــد أن الـــحـــب يــاربــعــي عــــــذاب

[حمد الدوسري]

السلام عليكم ورحمة الله وبركااته...
هذي قصيده عن الحب ومشاكله وعذابه ..
طبعا فيه رموز ماحد يعرفها غير اللي في المجالات الصحيه .. بدينا تـتــفــلــســف

من الرموز عشان يكون البيت واضح.
. CPR بالعربي سي بي آر اللي اهو الأنعاش القلبي ..
.Cpap بالعربي سـيـبـاب اللي اهو درجه معينه في جهاز التنفس الصناعي اللي يعطي الأوكسجين للمريض..
.ventilator الفنتيليتر هو جهاز التنفس الصناعي..
.Defibrillator ديــفــيــبرلـيـتـر جهاز صدمات القلب

الـــــــــــقـــصــيــده..

الشباب اللي تهنا بالشباب
ومن عذاب الحب ماصفق يديه

بشره لاجاء لتسليم الكتاب
وفي القيامه ربنا راضي عليه

أشهد ان الحب ياربعي عذاب
عزتي للقلب لامن طاح فيه

ماعاد ينفع CPR ولا CPAP
والفنتليتر صاحبي زوّد عليه

والدفبليتر ماعاد ينفع للمصاب
والشفى للقلب ماعاد ارتجيه

لعنبو ذالحب صدق انه خراب
ليت به شخصٍ قبلنا نقتديه




وســــــــــــلامــــــــــتــــــــــــــــــكم

محبكمـ : حمد الدوسري

 

 

 

 

 

 

 

 

[الماسـه]

صح لسآانك حمد
ابيآات رآائعة
الله يحفظك ويحميك يآرب

[هايدي الحلوه]

لعنبو ذالحب صدق انه خراب
ليت به شخصٍ قبلنا نقتديه



اناااااااااا اشششششششهددددددد

صصح لسسآنك واحسساسك مبدع وع الجرررح والله

[محمد الشريف]

الله الله لاهنت ياحمد الدوسري ومرحبا ومسهلا
شكلك دكتور قلب ماشالله عليك ههه
الله يوفقك وننتظر جديدك الراقي

[فهد ثامر البقمي]

وعليكم السلام ورحمة الله وبركاته
وأنت سالم وغانم صح السانك مدد اخوي حمد وبيض الله وجهك
نص رائع ومعبر ( انشهد ان الحب عذاب )
لا هنت تقيمي

[حمد الدوسري]

اقتباس المشاركة الأصلية كتبت بواسطة الماسـه صح لسآانك حمد ابيآات رآائعة الله يحفظك ويحميك يآرب

الماسه
صح بدنك وحياااااااك الله اسعدني تواجدك
جعل ربي يحفظك من كل شر.

[حمد الدوسري]

اقتباس المشاركة الأصلية كتبت بواسطة *༩ྀ آلـــــزيـــــن *༩ྀ* لعنبو ذالحب صدق انه خراب ليت به شخصٍ قبلنا نقتديه اناااااااااا اشششششششهددددددد صصح لسسآنك واحسساسك مبدع وع الجرررح والله

الزين
صح بدنك هههههههه ما لعب فينا غير القصيد اللي يجي على الجرح

حياك الله دوووووم

[حمد الدوسري]

اقتباس المشاركة الأصلية كتبت بواسطة محمد الشريف الله الله لاهنت ياحمد الدوسري ومرحبا ومسهلا شكلك دكتور قلب ماشالله عليك ههه الله يوفقك وننتظر جديدك الراقي

ارررحب يا محمد مرحباً بك يالذيب
والله ماني دكتور لاكني قريب منه شغلتنا متشابهه المهم ان مناصر الأجهزة والعناية قدام عيني يوميا ههههههه
يا مرحباً بك يالغالي

[حمد الدوسري]

اقتباس المشاركة الأصلية كتبت بواسطة فهد ثامر البقمي وعليكم السلام ورحمة الله وبركاته وأنت سالم وغانم صح السانك مدد اخوي حمد وبيض الله وجهك نص رائع ومعبر ( انشهد ان الحب عذاب ) لا هنت تقيمي

ارحب يا فهد

صح بدنك ومن قال يسلم بيض الله وجهك على كل حال
الأروع هو تواجدك في موضوعي وتقييمك العذب

[روابي]

::: صح لسانك ابياات روووعه :::