ماطبت لو أضحك مع الناس ماطبت

[هايمه في ابن فطيس]

زودن على الهجران والصدٌ غيبـت
وقفلت مـن دون المراسيـل بابـك
كذا تخلينـي مـن السبـت لسبـت
بين الظنون وبين حـظ(ن) غدابـك
أخفٌـي العبـرات وأكافـح الكبـت
وأجامل العربـان وأتبـع سرابـك
ماطبت لو أضحك مع الناس ماطبت
مادام جرح القلب من سـم ناااابـك
جرحت قلبي يـوم قفيـت ماهبـت
ماتدري أن جرحي نزف في غيابك
حلالـك الخفـاق لأنـك تغـربـت
أطعنه بالسكيـن وأقـوى حرابـك
لكٌن لاتسـرف بقلبـي ليـا جبـت
حيلك عشـان تذوقـه مـن عذابـك
تراك مخطـي ولا أنـا ماتلاعبـت
والظاهر أن غيبتك من حـر مابـك
يابو عيون(ن) كل ماسلهمت شبـت
عن وصفها لو الحجـاج أمتشابـك
عندي سؤال يقـول يومـك تعذبـت
ما لان قلبك وأنت همـك صطابـك
خف ربك اللي يكسي الأرض بالنبت
وأرجع وأردد لك هلابك هلابـك!!
وأن كانـك مقفـي بعـد ماتزهبـت
أسمح لي أبكي لين أقابل جنااابك!!.

أتمنآآ إن تروق لِ ذآئِقتكُم الشعريةة
وأتمنآآ إن مآتكوّن مكرره
لكم أطيب المُنى .