الله يسآآمحْك كيـف تقـول مـاذا دهـاككك ...!!

[فراشة]

يامن دهتنـي عيونـك واحتوتنـي يديـك ... الله يسامحْك كيـف تقـول مـاذا دهـاك

ماتدري انـي متيّـم بـك وكلـي لديـك ... مملوك مأسـور مسبـي مستهـام بهـواك

أموت كلي معك .. واموت فيـك وعليـك ... واغليك لكـن عسـى الله مايبيّـن غـلاك

واحنّ اليك .. وعليك احـنّ مـن والديـك ... ومن لهفتـي عيـن قدّامـك وعيـنٍ وراك

أشتاق لك واشتكي لك منك واشكيك اليـك ... كلك ملكني .. وكلك فـي عيونـي مـلاك

جادلك جيدك جبينـك خنجـرك حاجبيـك ... اسمك سماتك سمّـوك سِسْتِمِـك مستـواك

جوريْك جمرك لجينك عسجـدك وجنتيـك ... ذرابتِك رقّتِك روعـة حضـورك بهـاك

وجهك وهج مبسمِـك بسمَتْـك غمّازتيـك ... براءتك .. خالك اللي لاذ بايسـر شفـاك

سِجِنّجِلِـك جلنـارك نرجسِـك كركديـك ... كاديك مسكك نسيمك شمس صبحك مساك

سلهام عينك .. نَعَس طرفك .. حَور مقلتيك ... بوهَتْك ملحك حلاتك خـف دمـك حيـاك

ما اعرف اداري ولا اهدّي ولا امسك بريك ... لاجيت اجي كلي .. وكلي عسانـي فـداك

أقدّم الروح كاش .. وباقـي العمـر شيـك ... باسمك مصدّق ولا يصرف لحـيٍ سـواك

يامن دهتنـي عيونـك واحتوتنـي يديـك ... الله يسامِحْـك كانـك قلـت مـاذا دهـاك..


* الشاعر /.. خليـــل الشبرمــي ..

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم

[حبيب الحب]

الله يا خليل تسلمين ع النقل الاكثر من راااائع

[المطنوووخهـ]

أموت كلي معك .. واموت فيـك وعليـك ... واغليك لكـن عسـى الله مايبيّـن غـلاك

واحنّ اليك .. وعليك احـنّ مـن والديـك ... ومن لهفتـي عيـن قدّامـك وعيـنٍ وراك
لاهنتي على النقل مايعجبني خليل الشبرمي بس ذا البيتين راقو لي

[الفلوه]

لاهنت غلاتي وربي انت دايم ذوق واختياراتك حلوه
شاعر جميل ومقتطف يزهربالورد
تقيم لك ياقمرهم

[فراشة]

حب الحبيب ... نورت الله يعافيكك

[فراشة]

المطنوخه ... يا ملي الله يعافيكك

[فراشة]

غلاتي الفلوة ... يا ملي الله يعافيكك

[بسمة غزل]

الله الله
قصيدة رهيبه
يعطيك العافيه

[هايمه في ابن فطيس]

واحنّ اليك .. وعليك احـنّ مـن والديـك ... ومن لهفتـي عيـن قدّامـك وعيـنٍ وراك


الله الله عز الله اني ما شفت اروع من ها القصيده

فراشه طرح مميز ,,,

[حلم~]

الله يعطيك العافية ودي