من تمسك بدينه فايـز فـي حياتـه

[رائد نملان الحبابي]

من جديدي يالغلاه

من تمسك بدينه فايـز فـي حياتـه= ياالله انك على درب الصراط تهدينـا
من نطق بالشهاده والتزم في صلاتـه =وصام للله وحج يفـوز دنيـا ودينـا
وطايع والديه ومانسـى مـن زكاتـه =حافـظ للامانـه قـاسـي مايليـنـا
كل يـوم يجـدد توبتـه واحسناتـه =يدري ان الله يقبـل توبـة التايبينـا
كل ليـل بمحرابـه تهـل اعبراتـه= لين يذن وتصحـى العالـم النايمينـا
حافـظ للكتـاب وللحديـث ورواتـه= قدوته فـي حياتـه سيـد المرسلينـا
يدعي الله باسمائه ويحفـظ صفاتـه =جاعل خوف ربه فـي قـرار مكينـا
داري ان الله يراقب جميـع حركاتـه =كل شي يسجـل فـي كتـاب مبينـا
يحرص انه يخاوي اللي يسوي سواته =الرجال الثقات اللي من اهـل اليمينـا
لاجي للكريم اللـي عـرف معجزاتـه= تنفرج كل ماضاقـت بعـون العوينـا
طاعتـه للله المعبـود كـل امنياتـه =مومـن بالقـدر ويناصـح الغافلينـا
الله يكثـر امثالـه ويحسـن مماتـه =ويتجـاوز عـن اخطانـا ولايبتلينـا

 

 

 

 

 

 

 

 

توقيع : رائد نملان الحبابي

[poem=font="Simplified Arabic,5,darkblue,bold,italic" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""] لاضااق صدرك من هواجيس الاياام = فاسجد وناج اللي علينا رقيبي [/poem] استغفر الله الذي لا اله الا هو