إليكم >>> موجة مشاعر

[فارس الجهيمان]

أغدق التحايا لكم ملتقانا الغالي علينا ..

إليكم أبيات متواضعه اتمنى ان تجد القبول لديكم

..




(موجة مشاعر)


الشعر موجة مشاعر كيف مافرّه
لاقمار فكري وللي دار في بالي

وعلى وتر صادق احساسي ابا جرّه
لحن(ن) على حالي اللي ماهو بحالي

أكر صوبه هبوب الجزل وآكرّه
وافيقه من سبات(ن) في تخيالي

يسر حالي مثل ماحالي تسرّه
في صوتي اللي يزيده طيب واجلالي

لاهل ماكنه الأ المزنه الغرّه
لامن هملولها في قاعنا سالي

في بحره اغوص وانا دايج(ن) برّه
شاعر وميثاقنا ندرات واجزالي

من جوف بحر الشعر قطفتلي درّه
درة بحر ماخذاها أول ولا تالي

تبكي عليها نفوس(ن) حيل محترّه
وتجر من شانها الولوال ولوالي

معناه ابينه ونوب أكتمه وأصرّه
وابينه نوب لاجل الكل يصفالي

مسكين ياللي عبث في شعره ووضرّه
جاهل ولاله شوير(ن) غير جهالي

وياليت للسمع ثوب(ن) واقدر أزرّه
عن هرج عابر لكن ماهوب يهنالي

واليوم ساحة أمهار الشعر منغرّه
فرسانها همها الازوال واشكالي

واليوم جو القصايد مره ومرّه
احيان مره وبعض أوقاتها حالي

ويالله عين الجزل بالساحه اتقرّه
عن مجلس(ن) همه ابمكسبه واريالي

وياشعرنا اللي نعشقه حيل ونبرّه
العذر منك مدام الكل خيالي .



وسلامتكم ..

 

 

 

 

 

 

 

 

توقيع : فارس الجهيمان

الشوق يسبق نظرتي لمنياتي .. لوّه يشاف إن كان عدّى الشواهيق والشوق لهفه ياحياتي لحياتي .. لاصرت جنبي واللقى شبه توفيق .. أتشرف بمتابعتكم بتويترalharbi085@