تهنئه للشاعرخالد العبيريد على اشرافه للمحاورة والقلطه

[موسى ابومشهور]

[frame="1 70"]
هذه الابيات بمناسبة اشراف الزميل الشاعرخالد العبيريدعلى باب المحاورة والقلطه
كفو ياخالد تستاهل قدهاوقدود)

قـــــدهـــا وقدود ياسمح المحـيا - - - تحـت توقيعي على الاشراف وافي
باب للقلطه على علــــمن تـــهيا - - - اشهد انـك مثل بن هباش كــــا في

فهد قبلك ساق بالعــــــز وتـــفيا- - - وانــت شروى للوفا ورجل وسنافي
تستحق ابصم على العشرة كذيا- - - لك على ود المراجـــل بـــــاعترافي

خالد عبيــــريد لي أخ و خـــويا - - -وأتشرف بـــــه ولا عنــــــدي خلافي
ازفهـا مبروك له من صدق نيا - - - الله الله جـــــت ترددهــــــا الاشــافي

من مطـــانيخ الرجال اللي تحيا- - - في قدوم ضيوفها ومــــن جاه لا في
قلتها مبروك ابد ومـــافيه شـيا- - - افرح بعــلم الوفي والرجـــــل وافي

مع خالص الود والاحترام اخوكم (موسى ابومشهورالصايغ)
[/frame]

 

 

 

 

 

 

 

 

[فراشة]

سح لسانك ,, يستاهل العضياني زوووود ..لاهنت

*بس الله يستر ماعدنا نشوفة*<ههههههه دوعابة خالد


آمتناني*

[موسى ابومشهور]

ان شاء الله مايحرمنا جديدة باانشغاله في مهامه وشكرا
على مرورك من هنا

[مشاعر مجروحه]

صح لسانك اخوي القدير موسى
وبيض الله وجهك راعي واجب
وخالد يستاهل المنصب والاشراف منها
للاعلى

[خالد العبيريد]

[poem=font="traditional arabic,5,darkred,bold,normal" bkcolor="white" bkimage="" border="groove,6,firebrick" type=0 line=0 align=center use=ex num="0,black""] قـــــدهـــا وقدود ياسمح المحـيا=تحـت توقيعي على الاشراف وافي
باب للقلطه على علــــمن تـــهيا=اشهد انـك مثل بن هباش كــــا في
فهد قبلك ساق بالعــــــز وتـــفيا=وانــت شروى للوفا ورجل وسنافي
تستحق ابصم على العشرة كذيا=لك على ود المراجـــل بـــــاعترافي
خالد عبيــــريد لي أخ و خـــويا=وأتشرف بـــــه ولا عنــــــدي خلافي
ازفهـا مبروك له من صدق نيا=الله الله جـــــت ترددهــــــا الاشــافي
من مطـــانيخ الرجال اللي تحيا=في قدوم ضيوفها ومــــن جاه لا في
قلتها مبروك ابد ومـــافيه شـيا=افرح بعــلم الوفي والرجـــــل وافي[/poem]

ابو مشهور الصايغ حياك الله ,,

اول شي صح الله لسانك وصح قلبك وكلك ,,

ثاني شي بيض الله وجهك والله والله انك وافي ولافيك قاصر يالقرم واتشرف بك اخ وعزيز وغالي والهباش كفووو ونعم ولاابه قصور ويشهد له فعله الطيب والكل شاهد له ,,

هذى رد الابيات عسى ان يرتقي لابياتك الشامخه والعذر منك ياغالي ,,

[poem=font="traditional arabic,5,darkred,bold,normal" bkcolor="white" bkimage="" border="groove,5,firebrick" type=0 line=0 align=center use=ex num="0,black""] بارك الله فيك ياراع الحميا=يارفيق ٍ بالوفاء لك ستر ضافي
اتشرف بك وهي لك بالسويا=رد مردود الثناء عن كل هافي
المروه فيك والخوه تضيا=فوق هاذي من شيوخ ومن كوافي
من يقوم بواجبه في كل هيا=اشهد انه بالمواقف مايفافي
الله انه يكتب الصافي بنيا=كان فعل المعرفه ماهوب صافي
الهقاوي شامخه فوق الثريا=والفعل يبقى ولافيه انحرافي
الشكر لك وافر ٍ زود التحيا=ياعريب الجد ياساس الروافي
صاحب وغالي ولك عز ٍ مهيا=والله اعلم بالظواهر والخوافي[/poem]

سلامة قلبك .

[خالد العبيريد]

فراشة حياك الله ,,

مشاعر حياك الله ,,

صحة قلوبكم ولاهنتم على اطراءكم العذب ,,

شكري وتقديري لكم جميعا ً .

[الماسـه]

ماشآء الله
صح لسآانك موسى
وافي والله
والف مبروك يآخآالد تستاهل
كل خير
الله يحفظك يآارب

[ماجد الشيباني]

ألف مليون ترليون مبروووك أخوي خالد
وتستااااهل ياولد العم
وانت كفووو وقدها وقدوووووود
ومشكور أخوي موسى أبو مشهور على البادره الطيبه
تحيااتي

[خالد العبيريد]

الماسه ,,

ماجد ,,
حياااااكم الله يالغواالي ,,

تستاااهلون كل خير والله يعلم بارك الله فيكم والله يجعلني عند حسن الظن لدى الجميع ,,


كل شكري وكل تقديري لكم بارك الله فيكم .

[فهد ثامر البقمي]

الف مبروك اخوي خالد وتستاهل يالقرم
كل خير
لا هنت اخوي موسى راعي واجب وصح السانك
والسان خالد