الهموم الآربـعـــــــــــــة ....!!!

[فراشة]

هملتني / للحزن/ والعبره / وليلي / الطيوف !!
وخليتني ما بين لوعات .. (الهموم الاربعه )


حزن ٍ / غدا طابع حياتي كل ما اغمض واشوف
مدري هواللي كان يتبعني أو اني اتبعه !!



وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعه


وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. ازريت اقنعه


وش باتعذر به!! وانا مابين هم .. وبين خوف
وشوق .. يغايض قلبي المجروح حتى ينزعه


لو انها بالزين .. كان الزين من غيرك الووف
المشكله .. ( حب العمى ) .. يا جعل ربي يقلعه


ان ابتعدت آموت هم .. وكل ما جي لك شغوف
كنك تعمد ( ضيقة الخاطر ) .. ولو فيها سعه !!


اواه يا قلب ٍ تركته لك !! على بيض الكفوف
واللي مهو يصدق !! على كفك يلاقي مصرعه


تشوفني وتصد مني.. لا !! ولا كنك تشوف !!
تقدر على وصلي واحسك قدك ناوي تقطعه



تقول صبرك !! والصبر ليته يبرد حر جوف
اسهر ليالي البعد .. لين الفجر .. يبلج مطلعه !!



(( غيابك القاسي .. وباقي لهفتي واقسى الظروف
ما غيرت قلب .. ما هو يبغي تكون .. إلا معه ))


إن كان ربي كاتبك لي .. فأنت لي .. رغم الانوف
واذا القدر ما عاد ردك .. يستحيل ان امنعه !!


انت .. ومشيت وما عرف وشهي نهاية ذاالضروف
وصوتك/ ما انا بداري .. هو ربي كاتب ٍ لي اسمعه


لا قدك ناوي ترحل وتقفي معا بيض القنوف !!
قلب ٍ خذيته من صدر راعيه .. تكفى رجعه !!

((حمد البريدي))

................................... .........

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم

[ضامي الشوق]

يعطيك العافيه ..

نص رائع وذوووق اروووع

تسلم دياتك على التميز

احترامي

[عامر صالح ال شنيف]

ياسلام عليك يا الغلا والنقل الجيمل
مريت عليها فالمدونه وشدتني حييييييل
الف لا هنتي
وتقييمي

[فراشة]

ضامي الشوق |؛
تسلم خيؤ .. الله يعافييييك .. اسعدني حضوركـ آلراقي ..
كل التحايـا لسموكـ ..

[فراشة]

عامر صالح ال شنيف |؛
تسلم خيؤ .. ولاهان من قااااال.. اسعدني حضوركـ آلعـذب ..
كل التحايـآ لسموكـ..

[مشاعر مجروحه]

رووووعه يالفراشه
كلك ذوق يسسسسلمو
راقت لي بحق

[فراشة]

مشاعر مجروحة |؛
يسلمو غلآتي .... اسعدني حضوركـ آلرآقي