... عـتــمة حــروفــــي ...

[سعود العتيبي]

... عـتــمة حــروفــــي ...

[poem=font="Simplified Arabic,4,black,normal,normal" bkcolor="white" bkimage="backgrounds/8.gif" border="double,4,gray" type=1 line=0 align=center use=ex num="0,black""] يكتب الشوق شعر ب / دم و أقلام=تنحنـي لجـل هاماتـه سيوفـي ..
كن بين الحنايـا حـزن و هيـام=ضاعت ب / عتمة حروفي حروفي ..
ما أتحمـل حكـي عـاذل و لـوام=ليه يا وقت ما تقـدر ظروفـي .. !!
لو بقول الجفـا تجريـح و آثـام=ما تصـدق ولـو تكثـر حلوفـي ..
جيت لك حب , مدري جيتك أحلام=و المشاريه طالـت فـي وقوفـي ..
شلت قلبك , و قلبي كلـه حطـام=و إنت ما ترحم شعوري و خوفـي ..
يبكـي الوصـل و يغنـي للأيـام=يوم شفتك سما حلمـي و نوفـي ..
الأحاسيـس عطشانـه و صيّـام=وانت ديم ٍ تساقـط فـي كفوفـي ..
موج بحر الجفـا عاتـي و لطّـام=يا ريـاح الجفـا ب / الله روفـي ..
حبك اللي كبر بي عام عـن عـام=مـا قُـوَت تحملـه قـوة كتوفـي ..
جفني اللي عقب فرقـاك مـا نـام=ليه يوفي ! , و دمعه ليه يوفي . !!.
و ليه جرح الهوى اللي كلـه آلام=ما لقا له مكان إلا ب / جوفـي .. !!
خل جرحك و طيفك و الصور , دام=في خفوقي لهم حشمـة ضيوفـي ..
و إنت لا تنجرح من سيل الأقـلام=القساوه ماهي طبع ب / حروفـي ..
[/poem]

للشاعر//
مشاري الشليمي...

 

 

 

 

 

 

 

 

[نايف الشمري]

... سعود العتيبي ...

صح الله لسان الشاعر مشاري الشليمي أبدع ماقصر حروف راقيه

وصح الله ذوقك يالذيب ابدعت في أختيارك

تقبل مروري المتواضع اجمل تحيه لك

[مميز خلقه]

سعود العتيبي


لاهنت ع النقل والذائقه المميزه


وصح الله السان شاعرها مشاري


ودي لك

[آلريم آللعـوب]

الله الله ,, صح لسان شارها وسلمت يمين خطتها ,,

عوااااااااااافي ي العتيبـــي ,, ذائـقه راقيــه لاعدمنــاها

تقبل مروري ,, تحيتي

[فيصل بن عبدالعزيز]

يقول الشاعر مشاري الشليمي في بداية قصيدته هذه يكتب الشوق شعر بدم .. الخ .. وانا هنا اقول يكتب سعود العتيبي .. حروف من ذهب .. سطرهاا في هذا الصرح وتعد اكبر شاهد له لهذا المعرف الكبيـر الذي يحمل الذائقه الرائعه والطرح الجميل البناء .. اقف حرجاً امامك .. لله درك ياسعود .. استمتعت بقراءت القصيده .. شاعر اول مره اقراء له قصيده .. الا انه نال على اعجابي ..طبعاً بعدما نلت انت مسبقاً على اعجابي الشديد بمعرفك .. لا حرمنا جديدك والى الامام .. لك تحيه طاهره كطهرك