ياسعود وين فهيد ,,؟

[خالد العبيريد]

بسم الله الرحمن الرحيم ,,
السلام عليكم ورحمة الله وبركاته ,,
اسعد الله جميع اوقاتكم بكل خير وكل سرور,,
اضع لكم مشاركه ابيات تعبر عن نفسها واتمنى ان تحوز على رضاكم وترتقي لذائقتكم ,,


[poem=font="simplified arabic,5,darkred,bold,normal" bkcolor="white" bkimage="" border="groove,5,darkred" type=0 line=0 align=center use=ex num="0,black""] ياسعود وين فهيد له عام ماشيف=اقفت بـه الدنيـا وقفـى بختهـا
مدري غيابه له ضروف وصواديف=والا ليـال العمـر قـل بركتهـا
والا سمع له في قفايـه سواليـف=من هرج نـاس ٍ ماتثمـن لغتهـا
الي على نقل النميمـه خواطيـف=والمرجلـه وعلومهـا مابغتـهـا
الحمـد لله ماعلـيـه تخالـيـف=عنيـت نفسـي للعـلا واعتلتهـا
وابوي حلفني وثنًـى التحاليـف=وعهود من صغري ونفسي وفتها
الاولـه فالديـن قبـل التكاليـف=أوفي صلاتي لين روحي هوتهـا
والثانيه حسن التواضع ولاضيـف=الكبر لو نفسـي زمانـي شمتهـا
والثالثه وافي مع الجار والضيـف=من جود يمنايه وبلـي كسبتهـا
والرابعه حلو النبى والتصاريـف=اخذ من الجـزلات حلـو ثمرتهـا
والخامسه متبع هل الهرج والزيف=اتبع دروب ٍ بالشهامـه صفتهـا
هاذي مناهيجي وخذ زود تعريـف=ناس ٍ تقفـي شيمتـي ماقفتهـا
وأشره على الطيب لجاله محاريف=ورجلي دروب اهل الردى ماوطتها
تناقضت ياسعود بيض المضاريف=واثر الليال السود معهـا محتهـا
العام عندي كنها حنيـة السيـف=واليوم اشـوف ايامهـا حانيتهـا
مغير الطف خاطر القلب تلطيـف=ومن حضها بالدمع عيني بكتهـا
لاكن صابر لو مالـي تصاريـف=وسود الليالـي نحتمـل عاقبتهـا
مركب خيالي شلت عنه المجاديف=وروابعي سبع البحـور سبحتهـا
واشيل هم الي لهم بالوفاء كيـف=ونفسي مشاريه الزمـن عانقتهـا
وياسعود وين فهيد له عام ماشيف=هو حي فـوق الارض والا تحتهـا ..؟
[/poem]

وسـلامة نـواظركم ,, خـالد العبيريد .

 

 

 

 

 

 

 

 

[سعيد محمد القحطاني]

ارحب ياخالد يالله انك تحيه وتبقيه
وما جابه اما ذي ياخالد اليمه اليمه الله يجزاك
خير هاذي تزيد الجروح صح الله لسانك مدى الحياه
تقبل تحيات اخوك سعيد ولاهنت

[موسى ابومشهور]

قمه في قمه
خالدالعبيريد
والنعم فيك
والله مافيك
حيله يالمبدع
وعاداتك الجزلات
يالعبيريد
صح لسانك مليار

[سعيد الهباش]

الله يحييك ياخالد ...ابياتك جزلة دايم ..متميز ومتالق
الله يعطيك العافية .. ولاهنت يالذيب

[شيخة القصيد]

الله عليك ...... أخي العبيريد
صح لسانك
ولاهان منطوقك
نص باذخ في روعته وجزالة حروووفه
على الرغم من مرارة الجرح
إلا أن لك أسلوب إبداعي
في ترجمة إحساسك

[خالد العبيريد]

سعيد القحطاني حيااك الله ,,

صح الله بدنك وصح قلبك وكلك ولاهنت ياغالي على حضورك المضئ وتعليقك العذب ,,

شكري وتقديري لك ياغالي .

[خالد العبيريد]

ابو مشهور حياك الله ,,

صح الله بدنك وصح قلبك والقمه مرورك واطراءك المميز ياغالي شكر لك مرورك المضئ وتعليقك العذب ,,


شري وتدير لك .

[خالد العبيريد]

سعيد الهباش حياك الله ,,

صح الله بدنك وصح قلبك وكلك لاهنت الجزاله منك وفيك ياغالي اشكرك على حضورك المضئ وتعليقك العذب ,,

شكر وتقديري لك .

[خالد العبيريد]

شيخة القصيد حيااك الله ,,

صح الله بدنك وصح قلبك وشاااكر لك جزيل الشكرعلى الاطراءالجميل وعلى حضورك المضئ ,,

شكري وتقديريلك .

[أخو من طاع الله]

صح لسانك يالعبيريد شاعر جميل ومميز للامانه

موفق خير يالغالي