والله يـآلولا امي وابي شامخ الراس لـ اترك قـطر واسكن معه في كويته

[حلم~]

السلام عليكم ورحمة الله وبركاته

اسعدتم صباحا ومساءا


ابدا بذكر اللي عن الخلق معليك
بالمرجله والطيب .. هذا مبــيتك

المدح والهاجس والاشعار تبغيك
وتقول لي لابطيت شف ماتنيــتك

لوتتركك كل المخاليــــق باجيك
ولوتتركك ربعك وعزوتك جيتك

لك صاحبً نفــداك ماهو مخليك
وماهوب قايل ليت ليتــك وليتك

وماهــــــوب قايل ليه والله يهديك
من قبل تبـــــــــلاني تراني بليتك

الحب ماهو حـــب عذرا واناخيك
الحب حب اللي سواتــــــك فديتك

حب الرجال اللي على العز تحييك
اللي مثل شرواك لامن نصـــيتك

من طنختك فزعَتــك تاتي تماتيك
ومن نافسك بيقـــول لك ماقويتك

صغير سن وعــــاد هذي مباديك
سبقت عمرك يامحـــــمد بصيتك

كن الوفا من بادي الوقت شاريك
مثل ماجيت وقلت شفني شريتك

لعبت في سوق المراجل باياديك
كن المراجل فيك قالـــــت بديتك

واجهرت نجمات السما في تعليك
وتقول لك وشفيك عليــــــت ليتك

الضيف لامن جاك يلقى السعد فيك
ويلقى الكرامه وسط ديوان بيتــك

لي الفخر في خوتك وافتخر فيــك
باموت ما والله هجرت ونسيتــك

ياجعلني مافقد وجودك ولابكيك
اي والله اني لا فقــــــدتك بكيتك

يامي ولد يامي وفعــــلك يبديك
اخ وولد عم وحميتـــي حميتك

من روس قومً للمعالي مماليك
ومهما حكيت اليوم بك ماوفيتك

الله يرحم جـــــــدك ويبقي آبيــك
ماكنك الا العود ابد يوم ريـــتك

عرجانيً ماقـــــــــيل بك مايكفيك
لو بالمـــــــــــعاجم كلبيها حكيتك

من يوم عرفي لك وقدني مخاويك
مازلت فوق الهقوه اللي هقــيتك

وانا فهـد من دوحـة الخير ناصيك
بـ ابيات شعرً تـآصلك في كويـتـك

فهد المري
رق لي

 

 

 

 

 

 

 

 

توقيع : حلم~

💜

[المطنوووخهـ]

نص جزل جاز لي كثير

صح نقلك ولسان شاعرها

[حلم~]

آسعدني مرورك ,’

[عامر صالح ال شنيف]

نص جميل
شاكر لك على روعة النقل

[حلم~]

آسعدني تواجدكم

[عبدالله السفياني]

نقل رائع وجميل

[هداج]

صح الله لساان شااعرها وسلمت انامل ناقلها
ذائقه راااقيه
دمتي كما تحبين

[شآسع المري]

صح الله اللسانه


وقمة في الاختيار البديع

ولك احترامي ياحلم

[حلم~]

هلا وغلا شاسع منوووور

[هايدي الحلوه]

من يوم عرفي لك وقدني مخاويك
مازلت فوق الهقوه اللي هقــيتك

وانا فهـد من دوحـة الخير ناصيك
بـ ابيات شعرً تـآصلك في كويـتـك

رووووووووووووعه روووووووووووووعه
بجد رووووووووووعه دام فيها اسسسم ديرررتي فديت ترررابهااااا
يسسلمووو حلومه