قضـــيــتي تشـــبه قضيــــــة فلسطين

[عامر صالح ال شنيف]

السلام عليكم ورحمة الله وبركاته

صباحكم/مسائكم عطر وقصيدة

جديد ومتواضع

اتقبل النقد بكل أريحيه

قضـــيــتي تشـــبه قضيــــــة فلسطين

الكــــــل يبـــغــــاني بشرعـــة وكيفه

وانـــــا اتعزز واحمل الــذنب ذنبـــين

واقـــــول يــــا وسع الصدور النظيفة

متشره(ن) غصب(ن) عن القلب والعين

وأداري الــــضـــيقــة ونفـــسي حفيــفه

متعفف(ن) عن عــــوج درب المقفين

نفـــــسي عزيزه والهقاوي منيفه

غــضيّت عيني بـــالبكا فــــوّل البين

وانــــا خفوقـــي من ورآهــــا نزيفه

تلــــوفني جروحــــي ليــا شفت سكين

في يـــدّ من تمم مـــواجــيـــب ضيفه

واذكـــــر سبــب دمعة وسجـه وبيتين

واضـيق من نفــــسي وطــاري نكيفه

واســــج عن ربعي ومن دون رجلين

مــوجـــود!!لكن طير عقــلي رفيـفه

الذاكــرة عــش(ن) وعيدانــه أسنين

وطير الفكر أدنــات حــدري يليفه

يحوم ثم يركـــي على شجرة التين

إللي ثمــرهـــا مــــا قطفنـــا خريفه

لله در الوصــل يــا يــــوم الأثنــين

يــــوم الوليف أهمل وخـــلا وليفه

أتـــلا العهد بـــه قـــال: برد بعدين

وطرحت جـــوالي وعينــي بطيفه

وقمــــت أتلهّـــا وانتحتني بســاتين

واخذت أسقّي كــــل وردي وريفه

وابطــا وانـا والطيف محنا بدارين

إلا أن لي حس(ن) شحنّي بحيفه

واليوم كمّل لــه من البعد شهرين

شهريــن في قلّ وهمومـي كثيـفة

ما كنت مرهي بس وش عاد تبغين

يــا نفس لــــو تبدين همّ وحسيـــفه

روّح وظني عادت الجرح المكين

يطيب لكـــن لا تكــــوني كليـــفه

مـــا الله خلقلك عين تبـــكي مقفين

وانت ِ وفيــــه والنوايــــــا شريفه

قلت القصيدة بس من شان تدرين

من راح من كيـــفه تراهــــــا بكيفه

عامر الشنيف

تم تعديل بعض الأحرف البسيطة للمعلومة
بتاريخ 25/4/1433هـ
الساعة 1:39ص

 

 

 

 

 

 

 

 

[رمق]

مـــا الله خلقلك عين تبـــكي مقفين
وانت ِ وفيــــه والنوايــــــا شريفه

قلت القصيدة بس من شان تدرين
من راح من كيـــفه تــــراها بكيفه

الله .. الله

قصيده فآخره .. ياعامر

صح لسآنك ..

[فهد ثامر البقمي]

اخوي عامر صح السانك ولا هنت قصيده رائعه

بيض الله وجهك كفيت ووفيت في التعبير

اشكرك يا المبدع

[عامر صالح ال شنيف]

اقتباس المشاركة الأصلية كتبت بواسطة رمق مـــا الله خلقلك عين تبـــكي مقفين وانت ِ وفيــــه والنوايــــــا شريفه قلت القصيدة بس من شان تدرين من راح من كيـــفه تــــراها بكيفه الله .. الله قصيده فآخره .. ياعامر صح لسآنك ..

صح بدنك ولا هنتِ على تواجدك
وشاكر لك مرورك الملكي

[عامر صالح ال شنيف]

اقتباس المشاركة الأصلية كتبت بواسطة فهد ثامر البقمي اخوي عامر صح السانك ولا هنت قصيده رائعه بيض الله وجهك كفيت ووفيت في التعبير اشكرك يا المبدع

الشاعر فهد
لا هنت على تواجدك ومرورك
صح بدنك ووجهك أبيض
شاكر لك أخي

[عتيبي نجد]

اخوي عامر

الله يحل قضيتك

صح السانك واعتلى شانك


تحيتي

[عامر صالح ال شنيف]

اقتباس المشاركة الأصلية كتبت بواسطة عتيبي نجد اخوي عامر الله يحل قضيتك صح السانك واعتلى شانك تحيتي

الحمد لله ما هنا قضية إلا أنها شرة ويا مكثر الشرهات
صح بدنك يا الغالي وشاكر لك تواجدك

[مشاعر مجروحه]

صح لسانك اخوي عامر مافيك حيله
تحياتي لك

[الماسـه]

مآشآء الله صح لسآاانك عآامر
قصيده جميله وابدعت فيهآ
الله يحفظك يآاارب . . .

["عذبة المبسم "]

قضـــيــتي تشـــبه قضيــــــة فلسطين
الكــــــل يبـــغــــاني بشرعـــة وكيفه

وانـــــا اتعزز واحمل الــذنب ذنبـــين
واقـــــول يــــا وسع الصدور النظيفة

متشره(ن) غصب(ن) عن القلب والعين
وأداري الــــضـــيقــة ونفـــسي حفيــف

متعفف(ن) عن عــــوج درب المقفين
نفـــــسي عزيزه والهقاوي منيفه

غــضيّت عيني بـــالبكا فــــوّل البين
وانــــا خفوقـــي من ورآهــــا نزيفه




الله الله الله
لله درك
صح لساااانك مليار و سلم مدادك العطر على هيك احساس عذب ..
ولاهان راااسك يالمبدع
قصيدة بها من الوجد واللوعة ما يطرب الوجداان
تقبل كل الود