انتظر ساعه الليــــ

[فتنه الكون]

انتظرساعه اللي على بالي يدور .....مرحبا به الغالي على بالي خطر
ياللي انفاسه دهن عود وعطور.....اسكر القلب حبه ورماني بالخطر
ياللي وجوده يكفيني عن الحضور....قلبي لغيره عن المجامله اعتذر
حبيبي حظوره يجلب لي السرور.... هوعذب حبه مثل قطرات المطر
مالومه اللي قده يتسم بالغرور....الصراحه بسمته ياخذ عليها اجر

بقلمي

 

 

 

 

 

 

 

 

توقيع : فتنه الكون

لا تحسب كل من يطالعك مغرم فيك يمكن ضايع حماره ومشبه فيك

[فتنه الكون]

باب النقد مفتوووووووووووح

[هوى الغربي]

هلا اختي فتنة الكون

من وجهة نظر والله اعلم ان الوزن فيه خلل كبير وواضح
اتوقع ان مافي قصيدتك شطر موزون الا شطر واحد اللي هو ...ياللي انفاسه دهن عود وعطور

حاولي تلحنينه وتشيلين الابيات كلها على لحنه
وحالي تستخدمين صور خياليه ورموز شعريه هذي تنتبهين لها اذا صرتي تقرين قصائد كثير
وتسمعين شيلات راح تستفيدين اكثر بكل تاكيد
بالتوفيق يالغاليه

[الهــــــــوى]

هلابك اختي فتنه الكون
بعيدا عن الوزن احساسك ولا اروع
وآصلي وان شاء الله القادم اجمل

تحياتي .

[فتنه الكون]

والله اني حاولت وحاولت وهذا اللي ظهر معي وارجوا ان تتفهمون الوضع اني جديه بالشعر وارجوا الرفق باشعاري
مشكورين على ردودكم وترقبوا جديدي

[بدر الهواوي]

فتنه الكون ابياتك كلها مكسورة
لذالك سبق وقلت لك يبي لك دروس في الشعر فقط وانا متأكد انك شاعرة جزله وقوية لك الخلل الوحيد هو الوزن
وانا اعرف انك من خلال درسين راح تتطوري وتبدعي في مجال الشعر
.....مرحبا به الغالي على بالي خطر
هذا مكسور ويمكن تعديله وتقولي
مرحبا بالغالي اللي على بالي خطر كذا مستقيم الووزن
واذا تحتاجين شي انا حاضر ومستعد
تقديري واحترامي