نـــوف العتيبيه تغـنت بالامثال

[حلم~]

نـــــــــوف العتيبيه تغـنت بالامثال
جــــزل البيوت المـرهفات الحشايم
ابيـــــات صاغتها كـما عقد سلسال
لعيــــــون وافين الخصـال العظايم
اغلى من اليـاقوت واغلى من المال
ويصــــــعب ثمنها بين بايع وسايم
ليت العذاري لو على رؤوسهن شال
مثلك يانـــــــــــوف يحرمن الهلايم
ســـــــــود الوجيه مخيبة كل الآمال
اللي مكـــــــــــــــانتها مكانة قمايم
انذال ما تســـــوى لها قرش وريال
من فعلها ما شــــــــافت الا الندايم
الكل منهم خـــــــاب لو قال ما قال
ولاهوب محســوب على اهل القدايم
خايب رجاء لو يلبس بشوت الابطال
واخيـــــــــــر يلبس له عباه ولثايم
ما هو كفـــــو يامر على بيت وعيال
الله يشيله مع جــــــــــميع الخمايم
واللي مثل عـــــزوتك للحمل شيال
عـــــــــريب جد ولا تجيه الضوايم
يذكر بفعل الطـــيب في كل الافعال
ومع النشــــــامى نال خير القسايم
يــــرعى حقوق الله ولاهوب محتال
ابيض وجــــــــه ما يلحقه لوم لايم
المــــرجله يبدي على رجمها العال
حراً شهـــــــر عن بومها والحمايم
وحاش المــــراجل كلها دق واجلال
وفي بحـــرها سابح وغاطس وعايم
في مجلســـه يجمع له رجال ودلال
والعــتـود الازرق وامـهات القوايم
عزاً لـــــــــربعه دايم الدوم لازال
حظه مع اهل الطـــيب والجود قايم
والمــرجله لو هي صعيبه لها طال
يا جـــــــعل عمره ما تجيه الثلايم
هذاك تضــــرب فيه يابنت الامثال
راع الوفا والمـــــــرجله والولايم
والله يديم اهل الـــوفا سنين وليال
اللي تشيم لبـــــــــــــسها للعمايم
ويابنت دايم وابل الخـــــــير همال
تبقى الرجــــــال ولاتموت العزايم
تم الكلام وكـــــــــلمة الحق تنقال
حنا الرجــــــــال مطوعة كل هايم
وفالشجره الخضراء لنا في وظلال
وبالعقل نفــــرق عن جميع البهايم




رد الشاعر / حمدان مسعود الحافي العتيبي

 

 

 

 

 

 

 

 

توقيع : حلم~

💜

[حلم~]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هذي كلمات للشاعرهـ /نوف بنت شطيط العتيبي

[فيصل البقمي]

الله عليك احاسيس دائمااا مبدعه




شكرا على النقل الرائع




وصح السنتهم





تقبلي مروري وتقديري

[حلم~]

آسعدني مرورك ’,

[سعيد الهباش]

ليت العذاري لو على رؤوسهن شال
مثلك يانـــــــــــوف يحرمن الهــــــــــلايم

صوت وصدى رائعين ... يسلم ذوقك على النقل الرائع ..

[حلم~]

الله يسـلمك

[عاليه]

قصيدة نوف العتيبي قمه
ورد الشاعر عليها كان قمه
احسنتي الاختيار يالغلا
تقيمي بس بعد مايرجع لي

[ضامي الشوق]

يعطيك العافيه

رووووووعه

تسلم الايادي

احترامي

[حلم~]

آسعدني تواجدكم,’

[عتيبي نجد]

صح السنتهم

يعطيكِ العافية