بعض العرب

[فاقده ابوها]

ماكل من لحق الهدد كان صقار
البعض ماميز حرارن ووكري
بعض العرب يتبع طويلين لشبار
فل الحجاج وشبة الضو بدري
والنجر تسمع دنته وقت لسحار
والضيف له عنده حشيمه وقدري

وبعض العرب ان شفته اتصير محتار
لاهوب رجال ولاهوب خكري
لايعرف المنطق ولايعرف العار
ولو تنشده عن قبلته قال مدري

همه يشيل الدف ويلعب على الطار
وبكل سوق اتعينه دوم يجري
وخلا المعاصي بالتفاخر والاجهار

يتبع هوى اللي علمهم مايسري
يالله ياعالم خفيات الاقدار
ياعالي من فوق سبع(ن) اتذري
تغفر المنهو يحشم الضيف والجار
شيخن على الطولات فعله يسري

من بعد موته عتمت ربعة الدار
والهم وسط الصدر خذله مقري

والقلب زادت به هواجيس وفكار
فكرن يوديني وفكرن يجري
واستغفر الله لاكن الموت جبار

خذ شيخ قومن كل فعله يسري
يالله تجعل مقعده بين الاخيار
اللي لهم في جنة الخلد ذكري

امحمد الهادي وصحبه والابرار

اللي لهم فوق السراير مقري
والخاتمه صلو على خير من سار

شفيعنا في يوم مابه مفري


--------فااقده ---------

 

 

 

 

 

 

 

 

توقيع : فاقده ابوها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يا قبر أعز إنسان غالي رقد فيك0000خفف عليه من التـراب الثقيلـي يا قبر ماني طيب عقب راعيك0000اللي رعاني صار عندك نزيلـي أغليك أنا يا قبر من حب راعيك0000مرحوم يا راعي الوفا والجميلـي ياللي سكنت القبر صوتي يناديك0000موتك جرح قلبي وهديت حيلـي ما أنساك والله لين قبري يوازيك0000وأعلن من الدنيا العريضه رحيلي (( بنــــت ياااااااااااااام ))