الحاضرين يبلغون الغيابي

[الشاكر أبو سامي]

[poem=font=",5,#000000,bold,normal" bkcolor="" bkimage="backgrounds/2.gif" border="double,4," type=2 line=0 align=center use=ex num="0,"]
بسم الله الرحمن الرحيم=
وبه نستعين=
ابدأ مشاركتي بقصية قديمة قلتها حين ماقتل محمد الدرة تحكي عن حال الشعب الفلسطيني
البارحه عيني قـزا نونهـا النـوم = وعيّا يجيها النوم من حـر مابـي
من سبّة اللي داخل القلب مرسـوم = حبـه وحـب الشامخيـن العذابـي
ويامجانب المعنى تريـح ومخـدوم = واحذر تتعـب سابقـات الركابـي
هذه اللابيات طرحتها كفكرة لتكميل القصيدة=
وذلك عبر اجهزة المراسلات =
على قناة النشاما بمكة المكرمه=
بعد مقتل محمد الدرة الذي اثّر في نفسي =
وفي نفس كل مسلم وماقصروا الربع=
تفاعلوا مع الابيات رغـم تفـاوت =
الاهداف والمعاني حيث لم ابين لهم الهدف :=
واليكـم تكملـة الابيـات: =
الله لايجـزاك بالخـيـر يالـبـوم = اللـي فعايلـك الخنـا والخرابـي
المسجد الاقصى ينـادي ومحـروم = وين الرجال ووين عـزم الشبابـي
اللي لهم عزم وعزيمة على الـدوم= عزمـاً تعـدا ناطحـات السحابـي
الله ياكـم واحـد بـات مظـلـوم = في القدس مابين العـرا والترابـي
وكم شايب بايت على الغبن مكلـوم = يشكي فراقٍ بين الاضـلاع ثابـي
وياكم من عذراء سقت كاس مسموم = كاس المرار وكـاس بالاغتصابـي
وياكم طفلاً يسكب الدمـع مهمـوم= مهمـوم مايقـدر يـرد الجوابـي
ومحمد الدرة نهـار امـس ياقـوم = شفته صريع من اليهـود الكلابـي
ضميرهم ضامر وسلبـي ومعـدوم = واقسمت مافيهـم ضميـر ايجابـي
إلاّ ضمير الشر والعنـف والشـؤم =مخالفيـن لشرعـة اهـل الكتابـي
صهيون فيهم جبن خواف ورخـوم =اليا احتمى الميقاف مثـل الهلابـي
وترى جميع العرب يغشاهم اللـوم =ان كـان ماهبـوا لصـد العذابـي
وياربعنا ماهـي سواليـف وحلـوم = الحاضريـن يبلـغـون الغيـابـي
نظمتها في العقد عشريـن منظـوم = وادرجتها حسب العدد في حسابـي
هذا وانا ماني من الذنـب معصـوم = وارجو من المولى العفو والثوابـي
وصلاة ربي عـد ماتزهـر نجـوم= واعداد ماتنبـت حقـول وجنابـي
على رسول جا وبه ختـم مختـوم =ختم النبـوه بيـن الاكتـاف نابـي [/poem]

وسلامتكم يالربع والمعذرة عن البداية الحزينة