حاربهاا لذيذ النوم !!!

[مشاعر مجروحه]

بسم الله الرحمن الرحيـــــــــــــــم

هاذي قصيده جديده اتمنا ان تعجبكم وارحب بصاحب النقد
لكي استفيد اكثر ولكم جزيل الشكر

انا البارحه عيني حربها لذيذ النوم
.......................تذكرت من بكر رحيله وخلاني

سهيره وعيني *بالبكا دمعها مزحوم
................وكني به اقبالي مثل حالي يعاني
.
وانا كل يوم وضيق صدري عليه يدوم
.................على غيبته غابة معه فرحة أزماني

بعد رحل والقلب من راحته محروم
...........غدى البيت ياشينه وحالي معه شاني

اسلم على قبره واصوت عساه يقوم
..........عرفت الفراق *اللي برا الحال واشقاني

تمنيت يومي قبل يومه ولو بيوم
............... انا أستغفرك يارب لك حكمه وشاني

الا ياعيوني ماعلي من دموعك لوم
..................وجيه الخلائق ماتنسيني أحزاني

عسى الرب يجمعنا انا وانت ي المرحوم
..................مثل ماحرمت النفس من واحد ثاني

وطلبناك ي رحمن ي حي ي قيوم
................إليك ارتجي وآمنت بك وانت رحماني

واصلي واسلم عد ما في سماه نجوم
........علي المصطفى *خير البشر واطهرانساني

 

 

 

 

 

 

 

 

توقيع : مشاعر مجروحه

الحب مثل الــــموت ماله مـــواعيدّّّّّ ّّّّوالـــموت مثل الحب ينهي حيااااتك <!-- google_ad_section_end -->

[الماسـه]

صح لسآاااااانك قلبي...
ماشآء الله عليك أبدعتي بقصيدتك
صراحة وربي روعه
والله يرحم من أنتي فاقده ويجعله بالفردوس الأعلى يآرب

وأحلى تقييم لعيووون شوشو

[ماجد الشيباني]

صح لساااانك يامشاعر حزينة
قصيدة بحق جميلة وجزلة
والله يرحم من فقدتية والله يسكنة في فسيح جنااتة
تحيااتي

[سعيد محمد القحطاني]

يالله يالله ي مشاعر مجروحه
وربي سامحيني اقول الله بجرح من جرح مشاعرك
يدين الله اليمه اليمه الله يسكنه فسح جاناته ويجمعك
وياه في جنات النعيم وصح لسانك والله تمنيت اني
لم أسمعها الله يصيب شيطانك عموماً تحياتي لك

[مشاعر مجروحه]

الماس تسلمين ياعمري

ماجد نورت الصفحه بردك الرائع


سعيد جعلك للجنه والحزن يجي ويروح وانا اختك
لاتشيل هم
واسف اذا اثرتك القصيده

[قـاصد كـريم]

صح لسانك يامشاعر

قصيده جميله بالفعل

أشكرك عليها

[رائد العصيمي]

صح لسانك

ابدعتي وللأمانة شي حلو قصيدك

اشكرك

[غراااام نجد]

ابدعتي يالغلا صح لساااانك قصيده جمييله .. لك ودي ....

[عاليه]

صح السانك يالغلا
قصيده حزينه وجزله من قلب حساس
ومن منا يالغلا مافارفه
وجه يغليه
ومن منا يالغلا مادفن تحت الثرى غالي
نحزن عليهم ليل نهار
وقلوبنا بفرقاهم حزينه
ولكن سنة الحياه جاريه
قصيده جميله للغايه
ربي يحفظك
تذكرت شيئا قد مضى لحاله
ومن عادة المحزوني ان يتذكرا

[رمق]

صح لسآنك يالغلآ ,,

والله يرحم موتانا وموتكم