القلوب البيض تبقى مثل ماهي....

[شقاويه]

يوم هبّ الوقت وأعماني عجاجه
الفرج عيّا .. وأنا بالصبر راهي
ويوم مال وطال ميله وأعوجاجه
رحت أدوّر شي ٍ يشد إنتباهي
وشفت زولك مقبل ٍ مثل إنفراجه
كنّه اللي جايبٍ عزّي و جاهي
ياه ياضيقات صدري وإبتهاجه
تذكر آخر مرة ٍ شفتك ..متى هي !
!
صاحبك من يومها زاد إحتياجه
وأمتطى ظهر المصايب والدواهي
سولف الليله على قلبي و ناجه
من بقى لي غيرك أفخر به وأباهي
يابعد من كدّر غيابي مزاجه
ويابعد من مرّت حروفه شفاهي
رغم حيرة قلبك ورغم إنزعاجه
الزمن .. ماغيّر احساسه تجاهي
ورغم وحشة بعدك وقسوة سياجه
كل حاجه فيك ظلّت مثل ماهي
الخجل في وجهك أول مـ نتواجه
والبراءه في عيونك وأنت ساهي
وبسمتك لامن بغيت تقول حاجه
وغيرتك لاشفت كنّي عنك لاهي
قبل أشوفك .. والزمن عاقد حجاجه
أسأله : وش فيك ؟! وألقى العذر واهي
ويوم شفتك قلت للوقت وعجاجه :
هيه ياللي في طعونك كنت راهي
أنت لو غيّرت فينا ألف حاجه
القلوب البيض تبقى مثل ماهي

 

 

 

 

 

 

 

 

توقيع : شقاويه

خابرك ماترقد...ونومك تقاااااااااااطيع... ياااااااااااااااعزتي لقلوبنا من ولعـــــــــــــــــــــــــــــــــــــها

[محمد الوريكي]

أنت لو غيّرت فينا ألف حاجه
القلوب البيض تبقى مثل ماهي


صح لسان قايله ......ويسلم يدين
كاتبها وناقلها لاهنت اخوي
وسلمت

[الجادل الرعب وب]

سلمت يمينك ي الغلا ع النقل المميز

[بسمة غزل]

يعطيك العووافي

[شقاويه]

محمد الوريكي:تسلم وتدوم يارب
الجادل:حياك ربي
لجل الوعد:اهلا وسهلا فيك

[غراااام نجد]

صح لساان شااعرها ولاهنت ع النقل المميز ... لك ودي .

[شقاويه]

غرام
منوره وربي