تدرون وش اللي تمنيت وخفيت

[سعيد محمد القحطاني]

بسم الله الرحمن الرحيم


أحبتي الكرام
السلام عليكم يقولون الشاعر اذا جاب قصيده وعرف انها
ماهي زينه قال هاذي من قصايدي القديمه ولكن للامانه
انها قديمه وجتني رساله على الاميل من صديقي
العزيز سعد محبوب العضياني العتيبي يطلب نشرها
لذالك اترك الحكم لكم امل ان تحوز على رضاكم ودمتو



لاتعاتبو ني ياهلي يوم صديت///عيني وقلبي ما تبي مجتمعها


من ما بصدري بالطويله تعلويت/////لو ماتفرج ضيقة اللي طلعها


اخاف تسمع ونتي يوم ونيت////ويعرف سبايب ونتي من سمعها


تدرون ويش اللي تمنيت وخفيت////صدور خلق الله على متسعها


مازلت احس بعلتي ماتعافيت///بين الضلوع العوج وانس وجعها


مشغول فكري كل ما صبحت ومسيت/لاني مع العالم ولاني بمعها


ياكثر ماعانيت واقبلت واقفي//////لين انقطع حبل الرجا من سنعها


لاون حصلي ياهلي ماتمنيت/////////باجوز من بقعا وباقي طمعها


ياقو قلبي كيف لي ماتوفيت//////////اللي تناسى والعلاقه قطعها


ودعتها توديعة الحي للميت///////////ابدن والا قبلي جزوعٍ جزعها



وسال ااااااااااااااااااامتگم

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[آسيرة ابورماح]

كلمات غايه الروعه
تخرج من خلجات الصدر
ودقه في وصف الموقف
هذا البيت اعجبني قوي جداًوصعب اخذ القرار فيه
ودعتها توديعة الحي للميت///////////ابدن والا قبلي جزوعٍ جزعها

[الماسـه]

صح لسآنك ملايين سعيد
وقصائدك كلها حلوه قديمه وجديده
ويسلم العضياني اللي قالك
صراحة روعه قصيدتك ابدعت فيهآ
الله يحفظك يآرب
وأحلآ تقييم كمآن عندي واجد مع الاختبارات ماأقيم أحد
هههههههههههههههههههه

[رائد العصيمي]

صح لسانك ياسعيد

ان اتينا لجماليات النص فهناك كم هائل من الصور الشعرية الجميلة

يكفي البيت الاخير ( ودعتها توديعة الحي للميت ) الوداع الوحيد الذي ينقطع في الرجاء بالتلاقي هذا الوداع

لله درك يابومحمد تشبيه ولا اروع

نص شامخ وقليل بحقك نتكلم فيه

لكن ودي تعيد الاملاء تراه سئ جدآ ولو اني مااعرف اسلوبك واعرف طريقة نظمك ضعت وانا اقراها

وصح لسانك ياقرم

[شقاويه]

راااااااااائع اخي سعيد.........
يعطيك الف عافيه على هلابداع

[محمد الشريف]

صح لسانك اخوي سعيد قصيده قديمه وانت شاعر
قديمك جديد فانا من المعجبين بك والعالم الله
وشهادتي فيك مجروحه وانت تعرف بذالك من قبل
المهم لاهنت وصحيت

[سعيد محمد القحطاني]

الاخوان والخوات
أسيرة ابورماح

شكرًا على حضورك الجميل ولاهنتي
بمان الله وحفظه



الماسه

شكرًا على حضورك وكلامكِ الطيب
وصح بدنكِ ربي يوفق هالوجه بمان الله وحفظه


رايد العصيمي

صح بدنك حبيبي وشكراً على حضورك
وكلامك الطيب صدقني اخي رايد انا ريفي
واكتب بالهجه العاميه وهي تفتقد للهمزه
والكسره والغُنه والتنوين والخ. لذالك قد يعانون
من يقراء قصايدي سامحني ي خوك بمان الله وحفظه



شقااااويه

مرحباً اختي شقاويه شكرًا الروووعه
وجودكِ
ع حضوركِ وكلامكِ الطيب بمان الله وحفظه



محمد الشريف

جعلك تسلم شهادتك اعتز فيها
وانا اخوك من طيبك وانا شاعر عادي
وأتعلم واستفيد من الجميع تحيات
بمان الله وحفظه

[سعيد الهباش]

صح لسانك ..... ولا عدمناك

[عاليه]

صح لسانك شاعرنا ابدعت
ووجدنا الاحساس والصدق
فيما كتبت
قديمه ولكنها اليمه من جد حسيت
اني من كتبتها لانها فعلا
خالجت الروح

تدرون ويش اللي تمنيت وخفيت////صدور خلق الله على متسعها


مازلت احس بعلتي ماتعافيت///بين الضلوع العوج وانس وجعها


مشغول فكري كل ما صبحت ومسيت/لاني مع العالم ولاني بمعها


ياكثر ماعانيت واقبلت واقفي//////لين انقطع حبل الرجا من سنعها

......................
.......................
ودعتها توديعة الحي للميت///////////ابدن والا قبلي جزوعٍ جزعها
تقبل مروري وتقيمي

[ماجد الشيباني]

صــــــــــــــــح لسانك ياسعيد
قصيدة جزلة وتحمل صور شعرية رائعة
تحيااتي