يا صاحبي طالبك ..

[بـنت أبـوي]

ياصاحبي طالبك خلّني بــ حالي
ما أبي أضيــّــق خاطرك وأنت مرتاح

ياصاحبي وإن غبت عنك ليالي
غلاك باقي بــ الحنايا ولا راح

تبي أسولف لك وش اللي جرالي .....؟؟
أخاف يمسح قولنا الصبـح لا لـآح

أجل تعال أجلس هنيـّـا قبــالي
دام الحطب طاح وكثير العتب طاح

لو كل شخص إليا عطيته .. وفالي !!
ماكان بــ الدنيا حزن ليل وجراح

ولو كل غالي قدّر إحساس .. غالي ..!!
ماشفت ذاك الدمع من محجره ســاح

ولو كل قلب من الحسد جاك .. خالي !!
مايشتكي من شحّ الأمطار فــــلاّح

ولوكل واحد جاك طبعه .. مثـــالي !!
ماكان بــ الدنيا سجن ناس وإصلاح

ولــولا الذنوب اللي بـ كبر الجبالي
ماكان جيش الكفرلــ بلادنا إجتـــاح

ولوالردي يعرف شــ معنى عيالي ..؟؟
ماقطّ أبوه بـــ دار الآلآم يا صاح

هذابعض حزن السنين التوالي
طير الحزن مبطي على خافقي ناح

ما أقول أن الخير ماله مجالي
لآ والذي يفلق من الليل الإصبــــاح

لكن هنا بعض الألم ياحلالي
وأنا أدري أن العود يوم احترق فاح

أول أقول إني صبور وشمالي
واليوم لآ والله أنفجر سدّي وبـــاح

ماقلت لك ياذيب خلّني بـ حالي ..!!
هذا أنت ضقت وأذكرك جيت مرتاح

 

 

 

 

 

 

 

 

توقيع : بـنت أبـوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *استغفراللّه