جيتك على وضح النقاء

[فهد ثامر البقمي]

جيتك على وضح النقاء ما قصدي ألآ كل خير
................ قلبٍ يسولفلك عن اللي ما مضى من خافيه
أصبر وأجامل وأتحمل كل شي ومـــا يصيـــر
................ لجلك كتمت الحب لجل الحب لجلك صافيـه
كلي رجى يا منعش الخافق ويا نبض الضمير
................ قربك معي عن كل خلق الله تراهـــا كافيــه
أشعل قناديل الغرام وجــــدد العمــــر الضرير
................ ننسى مواجيـــــع الليالي والحيــاة الجافيه
أثر الغياب المر غربـــه تجرح القلب الكسيـر
................ وأثر اللقاء بعد الغياب المر جرعـــة عافيه
فاحت حروف الشعر من حبك على نفحة عبير
................ وأدفت أحاسيس المشاعر من ولعها دافيـه
لامر طيفـك في خيــال الفكــر لذكرى مصيــــر
................ أمشي على رمل الشقى وأقدام رجلي حافيه
من هاجس الفرقى رشفت الهم والحزن المرير
................ وهمول ليلي ثقلها بيــــن الحنايـــا ضافيـه
يفداك ودي والشعـــور العذب من حبك غديـــر
................ يروي عروقٍ بالحشى تروي غـلاك وشافيه
هاذي عطايـا ساقها قلبي وأشواقـــي مسيــــر
................ على خطى درب النقاء سارت مهي لخلافيه
فهد البقمي

 

 

 

 

 

 

 

 

[لا تغارني بغيري]

يفداك ودي والشعـــور العذب من حبك غديـــر
................ يروي عروقٍ بالحشى تروي غـلاك وشافيه
هاذي عطايـا ساقها قلبي وأشواقـــي مسيــــر
................ على خطى درب النقاء سارت مهي لخلافيه

الله الله..,صـح إلســآنكـ فهـــد..~

قصيـــدهـ جزلـــه..,وكلمآت رآئع ــــه..~

لا تحرمنـــآ من حسكـ الشعـــري..]~

لا خلا ولا عدم...,~

[عزي لحالي]

صح لســانك يالبقمي
لآعدمنا جديدك

رعاك الله

[فيني شقاوة الأطفال]

صح لسانك ..أخوي ..

وقصيده رائعه ومميزه ..

..ومما راق لي ..

وعنوانها وكلها...

(((جيتك على وضح النقاء)))

تستاهل التقيم ..

أختك ..
شقيه ..

[أمير الشريف]

صج الله لسانك يالبقمي .. نص جزل بكل ماتعنيه الكلمه ..
لديك قلم رنان اهنيك عليه .. تقبل تحياتي ياذيب

[سعيد محمد القحطاني]

ابن ثا مر سبق وان قلت رأيي فيك انت من ابرز
شعراء المنتدى صح لسانك وانصحك بالتواصل
مع الاخرين لم اجد لك حضور عند اي شاعر اوشاعره
لأعلم عن السبب ارجو ان تقبلها بصدرٍ رحب تحياتي وصادق ودي

[الماسـه]

صح لسآنكـ فهد وإلا برق هههههههههه
روووووووووعه القصيدهـ
الله يحفظكـ يآرب
لاتقوول ليش اقتبستيها
ترى حطيتها عند قصيدتك الثانيههـ ههههههههه

[فهد ثامر البقمي]

صحت أبدانكم جميعاً ولاهنتوا على المرور العذب

بالتوفيق لنا ولكم

[فهد الهباش]

من هاجس الفرقى رشفت الهم والحزن المرير
................ وهمول ليلي ثقلها بيــــن الحنايـــا ضافيـه
يفداك ودي والشعـــور العذب من حبك غديـــر
................ يروي عروقٍ بالحشى تروي غـلاك وشافيه

الله عليك يالسمي،،

يسلم نبضك،،

[الصقرالجارح]

الله الله عليك وصح الله السانك ومو غريب عليك الابداع ياالمبدع قصيده رائعه كروعتك
ودي وتقديري