رضيت بالحزن عمر وبالمواجع خليـل

[سمـ المراجل ـو]

رضيت بالحزن عمر وبالمواجع خليـل
وقدرت اعيش بحيـاةٍ باهـتٍ لونهـا

عودّت نفسي مدامي جيت عابر سبيـل
كل ما دهتني مصيبـه قلـت ياهونهـا

عاصرت من دورة الأيام شـيٍ مهيـل
ومريت بـدروب غيـري مايمرونهـا

من كثر ماشلت ماباقي بجوفي مشيـل
روحي تدور معيـن ولا لقـت عونهـا

كم شجرةٍ جيت أدور لي تحتها مقيـل
وحتت ورقها وعرّت فوقي غصونهـا

واليا رميت الهموم بسهم صبراً جميـل
اما يجـي خلفهـا والا يجـي دونهـا

اسمع بصدري صياح وهمهمات وعويل
وأردهـا خايـفٍ لا النـاس يوحونهـا

من غربة الروح ضيعت الهدى والدليل
وخطاي تاهـت ولابـه مـن يقدونهـا

نهاري أعتم وليلـي بالتعاسـه طويـل
الكون مشرق وروحي مظلـمٍ كونهـا

هذي علومي بعد فقد الظـلال الظليـل
مالي من الـدور خاويهـا ومسكونهـا

زهدت في عيشتي بعد ام طرفٍ كحيـل
ياليـتي ادري بتالـي الوقـت وشلونهـا

عهدي بها يوم تروي قلبي السلسبيـل
من قيظ الأيام توردني علـى عيونهـا

وتفيض في قلبي الظميان شوق وتسيل
وأروى ولا أروى وأعود أظما لماعونها

وان سولفت كني أسمع للحمايم هديـل
وأقوم أغنـي لهـا والاحـي لحونهـا

كان اختصار الأنوثه في جسدها النحيل
يلغي جميع النسـا بعيـون مفتونهـا

كنا سوى والزمن بالوصل مده جزيـل
ذقنـا حـلاة الحيـاه اللـي يقولونهـا

ومن ذاق قلبه حنان منقضات الجديـل
والله لتشتالـه الدنيـا علـى متونهـا

وانا بعد ما أهتنيت أقفت وحل الرحيـل
وياويل حالـي ليـا قامـو يطرونهـا

بابقى عليـلٍ يحركـه النسيـم العليـل
لاهب في قاع روحـه جنـت جنونهـا

ومادام راحت مابي من حلمي الا القليل
أن عشت في قلبها وان مـت فعيونهـا




مما راق لــي

 

 

 

 

 

 

 

 

توقيع : سمـ المراجل ـو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[شآسع المري]

كان اختصار الأنوثه في جسدها النحيل
يلغي جميع النسـا بعيـون مفتونهـا



ويـلاه

صح الله اللسان الشاعر ولا هان الناقل

وتقبل توااجدي

[الصقرالجارح]

الله الله عليك ياسمو المراجل على الاختيار الرائع وصح الله السان شاعرها

ودي وتقديري

[المالكي]

ومادام راحت مابي من حلمي الا القليل
أن عشت في قلبها وان مـت فعيونهـا


الله علييييك والله ذووووق


سلمت يمناك

[آلــــجآدل]

الله الله
صح لسآنك ولاهــآن منطوقك
لاعدمنــآآك

[حلم~]

رائـع بإنتقائك
ماننحرم من جديدك..

[آلريم آللعـوب]

وانا بعد ما أهتنيت أقفت وحل الرحيـل
وياويل حالـي ليـا قامـو يطرونهـا


ي ويــــل حالي

صح لسانه العتيبي , وسلمت يمينك ي سمـو راعي الذوق دايم

تحيتي

[بنت الروقه]

انتقاء قمه الروعه والذووووق

يعطيك العافيه
لاعدمناك

[عنود الصيد]

كان اختصار الأنوثه في جسدها النحيل
يلغي جميع النسـا بعيـون مفتونهـا





راقت لي الابيــات كثير..
الله لا يهينك على النقل المميز..
وقواك الله

[الهــــــــوى]

مميز بنقلك كعادتك
صح لسآآآن شاعرها ابيات رائعه

تحيآآآتي.