(قنـــــــاديل)....بعد غياب

[سعود العتيبي]

اللهم صل وسلم على محمد
وعلى آله وصحبه أجمعين ,

أتمنـــــى أن تشفع هذي المشاركه عن غيابي....


* وآآتنفّس



هلا بكّ حبيبي قد ما متّ بغيابكّ
هلا بكّ كثر ما خفت ف البعد تنساني

أعلّق الأكاليل الحزينة على بابكّ
على بابكّ الموصود تنتظركّ أحزاني !

أغنّي مع النجمات والليل لا جابكّ
ويا ليت جابك مثل ما جابك آغاني

عيونكّ ، جنونكّ ، رقّتك ، ريحة ثيابكّ
أناقتْك ، أسلوبكّ ، وبحتْكّ ( أوطاني ) !

أنا وانتظارك ننتظر دفتر أسبابكّ
وعلى موعدك آتيكّ وأرجع بِ خذلاني

تعبت أكتبكّ وأذكرْك وأشكيك وأغتابكّ
تعبت أسهرك وألقاك فيني ولا ألقاني

أبي أكرهكّ لكنه الكره يحلابكّ
ف تباً وسحقاً للوفا وين وداّني !

صلبت الأماني واختفى الحلم بـ كتابكّ
طواك الغياب وخذت حلمي والأماني

كثيرة تفاصيلك مع نخبة أقرابكّ
تنامتْ أحاسيسي وحبكّ سرطاني

رذاذ المطر مرّ وسألني وهذرابكّ
وفراشات تترنّح وتبكي على ألحاني

أجوب الأراضي باحثاً عنْك وأسلابكّ
وكفّ الحزن سوّى معي موقف إنساني

تروح وتجي وتخشّني في عتم جلبابكّ
وهماليل طعنك ما روت أرض نسياني

هلا بكّ كثر ما جيت أبنهيك وأبدابكّ
هلا بكّ كثر خوفي عليكّ وعلى أخواني

هلا بكّ كثر ما نبض قلبي وهلاّبك
كثر .. كثر .. مدري وش كثر دارت أزماني

تأخرت هالمرّة ف بعدك عن أحبابكّ
فجفّت ورود المزهريّة من أشجاني

فيا ليت وقّف ( أمس ) لجل آتهنابكّ
ويَ ليت ارتوازي بـ الوفا ما تعداني

أطير بـ سما قلبكّ ومترئّس أسرابكّ
أحوم وأحوم وماعرف كلمة أعاني

أنام بـ فضا عينك وأنا أتلحّف أهدابكّ
أشيل التعب منْك وتشيل أنت حرماني

خسارة على الأحلام وأشياء تحيابكّ
وشكراً على كل شي جرحك به أهداني

أبشعل قناديلي وأبرحل من عتابكّ
أنا عشت وحداني وبعيش وحداني

أدوّر على ثاني ؟ هذا الثاني أولابكّ
غدِر واحدٍ يكفي .. مَ يحتاج للثاني !

أنا عشت عمري لك وعشت أنت لألعابكّ
وأنا حالياً بعيش عمري على شاني

لذلك نسيتك بعد مَ الوقت قفّابك
تلَونْت بَعدك .. وأشعر بِ لذّة ألواني

نسيتكّ وربكّ كثر ما طوّل غيابكّ
نسيتكّ كثر ما خفت ف البعد تنساني !

 

 

 

 

 

 

 

 

[دلع العجمان]

تعبت أكتبكّ وأذكرْك وأشكيك وأغتابكّ
تعبت أسهرك وألقاك فيني ولا ألقاني

أبي أكرهكّ لكنه الكره يحلابكّ
ف تباً وسحقاً للوفا وين وداّني !

الله روووووووووعه

أنا عشت عمري لك وعشت أنت لألعابكّ
وأنا حالياً بعيش عمري على شاني

روووووووووووعه


لاهنت ع انقل

[بنت الروقه]

صح ذوقــــــــــك


يعطيك العافيه على الطرح

[عيون المها]

انتقاء مميز



دمت بسعادة

[سعود العتيبي]

شــاكرلكم جميعا المرور اللي اسعــــــدني

[نايف الشمري]

.., سعود العتيبي


هلا وغلا عوده حميده

وصح ذووقك ياابوي

استمتعت بالمرور تحيه لك

[محمد الوريكي]

سعود تسسسسلم
ولاهنت وتسلم يمناك
انت رائع بحق

[حلم~]

تسلم يدينكِ .. ويسلم ذوقكِ الرآآقي..

كلمآتِ في قمه الروعهِ..

آنتقآء عذبِ..ربي يعآفيكِ..

وديِ..