ما علموك بغيبتـك وش جرالـي؟

[عـــنـــآد آلـــمـــري]

السلام عليكم ورحمةالله وبركاته





قصيده لشاعر / سالم حمد العازمي







ما علموك بغيبتـك وش جرالـي؟
حتى ( الخبل ) لا شافني قال عـزاه

مافيه شـيٍ موحـشٍ مـا طرالـي
ولا فيه ضيـق الا تعانقـت ويـاه

هذا مداه وضاق صـدر الشمالـي
تقولليّ وش جاه؟ واقول وش جاه؟!
.
عزيـز قـوم وبهذلَتْـه الليـالـي
كبا. به حصانه وخانت به خطـاه
.
شف حالتي والصبر ما سـرّ حالـي
بين اصدق الاحساس واللأ مبـالاه
.
تعبت اقول ان ( الامل ) راس مالي
واشوف ثوب الصبر ينشق وارفـاه
.
(الياس) حِمله فاق كـل احتمالـي
نوب اتعثر بـه ونـوب اتخطـراه
.
يرسم على وجهي ملامـح ظلالـي
واحاول ارسـم بسمتـي واتحـداه
.
ضميان والعـد القـراح الزلالـي
كبدي تبي قربه ونفسـي تحاشـاه
.
طاح الدلو . والسانيـه . والحبالـي
وانا على جاله ولاذقت مـن مـاه
.
والحاجه اللي في نفـوس الرجالـي
اكثر حراها تخلف الرجـل مبـداه
.
كلمه تقـال وكلمـةِ مـا تقالـي
ما كل ما فالصدر للنـاس تقـراه
.
لو شلت ما شالت ظهور الجمالـي
لاطحت . ماقالوا عسى الله ياقـاه
.
يا علّ مـا لمنقّـل الهـرج وآلـي
وابليس ياويلـه مـن الله ويـلاه
.
لكن بعد ما صار ما زلـت غالـي
{مثل السقيم اللي حمـل داه بـرداه}
.
ان جيت يبقـى منزلـك بالعوالـي
عرشك على حطت يدك ماحدِ جاه
.
وان رحت .. امي جايبتنـي لحالـي
الحب عايش بـه وعايـش بليـاه



و سلامتكم

 

 

 

 

 

 

 

 

[عيون المها]

وعليكم السلام ورحمه الله وبركاته


الله

كلمات معبره

انتقاء مميز


دمت بسعادة

[عـــنـــآد آلـــمـــري]

عليكم السلام ورحمة الله وبركاته

هلا وغلا عيون المهاا

نورتي الشااشه

مشكوووره على المروور

ودعتك الله....

[الصاملهـ]

صح لسان ملايين..

أنا أشهد أنها على الجرح..

تسلم يمناك على النقل الطيب ..

يعطيك العافية..

[عـــنـــآد آلـــمـــري]

اقتباس المشاركة الأصلية كتبت بواسطة الصاملهـ صح لسان ملايين.. أنا أشهد أنها على الجرح.. تسلم يمناك على النقل الطيب .. يعطيك العافية..

هلاوغلا
الصااملهـ

صح ابدنش

منقاال يسلم الله يعااافيش
ولاهنتي على المرووووور

[نايف الشمري]

.., عناااد

رووووعه يابن مره جمال في جمال

تقبل مروري المتواضع

[الماسـه]

تــســلــم عــنــاد على إخــتــيــارك للقصيدهـ
ذوقكـ راااااقي ومميز صراااااحه
يعطيك العافيه

[عـــنـــآد آلـــمـــري]

اقتباس المشاركة الأصلية كتبت بواسطة نايف الشمري .., عناااد رووووعه يابن مره جمال في جمال تقبل مروري المتواضع

مرحبااابك
اخوووي نايف
لاهنت على مروووورك العطر

[عـــنـــآد آلـــمـــري]

اقتباس المشاركة الأصلية كتبت بواسطة الماس تــســلــم عــنــاد على إخــتــيــارك للقصيدهـ ذوقكـ راااااقي ومميز صراااااحه يعطيك العافيه

من قاال يسلم اختي الماااس

شهاده اعتز فيها
وسام على صدري
لاهنتي على المرووور الراائع