ماينفع التسديد لافاتت مواعيد السداد..

[الصاملهـ]

السلام عليكم ورحمة الله وبركاته..

قصيدة راقت لي للشاعر/ خليل الشبرمي..

وحبيت تكون أول مشاركة لي بها..


لاوالله الا .. لاتــجـي والـعـلـم خـــذ عــلـمٍ وكـــاد
حـبـك تـلاشـى وانـتهى .. والافـضل انـك مـاتعود
لالاتــحــاول مــابـقـى .. فـالـقـلـب لـــك ذرة وداد
يـالـلي رحـلـت وكــن مـالي بـالوجود ايـة وجـود
مـايـنـفـع الـتـسـديـد لافــاتــت مـواعـيـد الــسـداد
قـطّـع فـواتـير الـوفـا .. واحـرق مـلفات الـوعود
مــاهـي عـلـوم الـسـندباد وشـهـريار وشـهـرزاد
مــا لـلـجحود الـيـوم عـندي يـاجحود الا الـجحود
امـشي عـلى وضـح الـنقا المجرود واحب الحياد
ولا اداني انصاف الحلول ابدن ولا اخون العهود
صـابـر عـلى ضـيم الـدهر واجـاهد ايـامي جـهاد
والـعـمر يـنـقص والـليال الـسود مـاتنقص تـزود
مـن مـعركتْك ابـنسحب واسـحب جـنودي والعتاد
ولانـسـحاب احـيـاناً ارحــم مـن مـعاناة الـصمود
ولايـنـدمل جــرح الـبياض الـيا دنـا مـنه الـسواد
ولاتـطـيب الـعـله الـلـي بـيـن بـيـض وبـين سـود
كـنت اتـبعك حـافي قـدم وامشي على جمر وكداد
سـلـك الـحـرير يـقـودني ويـسـوقني ذعـذاع نـود
وتـعـبت انــادي يـاحـياة الــروح يــا كــل الـمـراد
ومـلـيت اقــول الـيـوم والا بـاكـر بـوصـلك تـجود
انـشـد مـجـاهيم الـلـيالي فــي ربـيـع وفـي جـماد
يــامـا عـلـشـانك سـهـرت الـلـيل والـعـالم رقــود
اسـهـر عـلى ذكـراك وعـيوني مـطاولها الـسهاد
وسـهـيل والـويـل وســواد الـلـيل يـاظـالم شـهود
صـــدك ذبـحـنـي والـجـفا قـطّـع مـعـاليق الـفـؤاد
يـالـلـي بـتـعـذيبي تـمـاديـت وتــجـاوزت الــحـدود
حـتي عـصافير الـوله فـالصدر مـن جـور الـبعاد
مـاتت عـلى هـدف الـضلوع اتـردد الحان الخلود
وحـتـى الـرسـايل لاجـتـك مــن كـبريائك والـعناد
صـارت جـنايز والـظروف اكـفان ودروجك لحود
عـذّبت قلبي واضطهدت الشوق بالهجر اضطهاد
لـيـن الـغـلا مــات ودفـنـته فـي جـراهيد الـصدود
لالا تـبـرر مـوقـفك واعـلـن عـلـى الـحب الـحداد
وتــرى الـبـكا مـايـنفع الـمـيّت ولا لـطـم الـخـدود
الــحــب شــــوق وجـاذبـيـه وانـقـيـاد بـــلا قــيـاد
وصـدق و وفـا واخـذ وعـطا ماله حدود ولا قيود
وكـلن عـلى مـا قـيل يـلقى مـازرع يـوم الـحصاد
واكيد من من تزرع يمينه شوك ما يقطف ورود
والــيـوم لامــنـك بـغـيـت الـعـلم خــذ عـلـمٍ وكــاد
حـبك تـلاشى وانـتهى وان طـعت شوري ماتعود

 

 

 

 

 

 

 

 

[شاعر كلي مشاعر]

قصيده ماعليها الكلام

مايحتاج شاعرها خليل

تسلم يمينك والله لايهينك

على هالطرح الرآقي

ودي لك

[قـاصد كـريم]

الصامله هذي قصيدة جزله من شاعر جزل

اهنيكي على طيب الاختيار

لاهنتي

[جـآبر اليآمي]

صح السآنه خلـيل
ولآهنتي على النقل المميز
في انتظآر جديدش

[حلم~]

إنتقاء راقي ومميز
نتوق لـ جديدك

[ذكريات]

صح السانه وتسلم يمينك على هالاختيار الذووق
وبدايه موفقه

في أنتظار جديدك

[نايف الشمري]

... الصامله

لاهنتي على هالطرح المميز

خليل الشبرمي شاعر مخضرم مبدع جدا

استمتعت بمروري هنا

[مبارك الشمري]

ياسلام قصيده محسوبه وجزله اشكرك على الاختيار الموفق لك مني اجمل التحيه وتقدير

انتظر اختيارك الرااائع ياذرب

اخوك مر من هنا

[الصاملهـ]

(شاعر كلي مشاعر,قـاصد كـريم,ارقى سنود,آهات,ذكريات,نايف الشمري,مبارك الشمري)

مرحبا بكم جميع تواجدكم أكبر شرف..

أسعدني مروركم العطر..