( فهد الهبآش + وليد المقاطي )

رد: الشاعر وليد المقاطي مطلوب هنآآ

الهباش ....وليد هذي المحاورهـ اللي دارت بينكم..
من اليوم صراحه أتمنى تكون جنب بعض
والحمدلله حققت لنفسي أُمنيتها
المعذرهـ إذا نسخت بيت للهباش وحطيته لوليد
مايحتاج كل واحد يعرف بيتهـ
هههههههههههههههههههههههههههههه
أمزح أمزح ترى مرتبتها..



الهباش

أهل الشعر ما يتركون أدنى خبر من غير أثر
كذا كذا طــبع الشعر وأهل الشعر بالملعبـــه
قـم يــا وليد وسمّ بالله وأعطنا نَـــصّ الخــــبر
دايم ليا منّك نظرت لحرف عــابر تشـــطبـ

العتيبي

امرحبآ واهل الشعر تؤمن بمكتوب القدر
الحالي اطعم لذتــّه ، والمرّ لازم تشربه
ساهر ، ومالك منه يالهبآش كرّ ولآ مفرَ
اعَدل مسار المركبه قدآم قنص المركَبه



الهباش


جتني الرسايل مثل هـمّــال المطــر لا من هــمر
مدري غلا مدري زعل مدري عتب وش أحسبه
لكن ضميري مثـــل نورن في دجى الظلـما سفر
يا ساهــر الــيا من بــنيت الحرف لازم نـعـــربه



العتيبي


جتك الرسآيل واضحه خل التردد لـ القمر
كلً وحقه ماخـذه ، كلّ الامور مرتـّبه
غلطة عمر صارت ، وسعيك كمّل الغلطه عمر
مدري متى الهبآش عن سعيه يحوص وينتبه ؟


الهباش



ا صاحبي نظراتنا ما هي مـثل كلّ النــظــر
والفكر ناضج والقمر خلّه وش اللـي قـرّبه
الحمد لله نظرتي جت مثل نقشن في حـجــر
ما هو خطأ علمن نراهن به لزومن نكسبه



العتيبي


النظره اللي ماتصيب إلا على جلسة سَمر
90 % على الموضوع لازم تقـلبه
اللي دعيته بالامر عانه تراجع بالأمر
آمآ نكبك بكلمته والا إنتّ لازم تنكبه

الهباش

والله قـهــر عيّا خويّــي ما فهم والله قـهــر
حتى الكلام الزين ماقاله..وش اللّي عصّبه
اللي دعيته جا لجل عيني مثل لمح البصـر
من بعد ما حقّه خذاه وما حدن منه اسـلـبه


العتيبي


مآمن قهر ، قول الحقيقه دائماً مثل الجمَر
خصً لاصار اصويحبي معروف وشهو منسبه
يا الصايم افطر ، سمّ اخذ فنجآل واقدع بالتمر
اقول لك ثور ، وتجي وتقول لازم نـحلبه !


الهباش


ابا أسئلك ياصاحبي واشفيك تضرب عالوتر
غلط غلط هذا الوتر محذور جـنّب مضـربه
السيل لامنّه حدر ..من نفعــته وش ننتــظــر
لكن سدودي تمسكه.. ويجيك خالي الأتربه


العتيبي


النآس يا الغالي ماتدري وش مقآديم القبَر
اما بوسط النآر ، والا الجنّه اعلا مرتبه
مليت من كلمة صبر صبر صبر صبر صبر ،
امآ يفيد الشعب والا وش يبي في منصبه ؟


الهباش

ترى العرب وقت الشدايد تنتظر وين الصقر
وانته صقر لكن بعض الأحيان خـانه مخلبه
لو كــنــت وازنــها ترى ماجفّ ياشيخ الحبر
لا شــك مثــلـك عــنده القدوه وعـنده تجربه



الله يهديكم سهرتونا...
بس بما إن فهد عازمنا لازم نحضر
صراحه ياقحطاني أنت والعتيبي ماهقيتها منكم أنا ماجتني لأقهوه ولاشاهي...
طيييييييييييييييب يافهد لاتجي بعدين وتقول أبغى من اللي جابت آآآآهـــــاااااااااتــ
ليش ماقهويتنا
هههههههههههههههههههههههههههه

المصدر: الملتقى الجماهيري للشاعر محمد بن فطيس المري