( فهد الهبآش + وليد المقاطي )

رد: الشاعر وليد المقاطي مطلوب هنآآ

فهد الهبااش:

أهل الشعر ما يتركون أدنى خبر من غير أثر
كذا كذا طــبع الشعر وأهل الشعر بالــملعبـــه
قـم يــا وليد وسمّ بالله وأعطنا نَـــصّ الخــــبر
دايم ليا منّك نظـرت لحرف عــابر تشـــطــبــه

ــــــــــــــــــــــــــــــــــــــــــــــــــ ـــــــــــــــــــــــــــ

وليد المقاطي:
يامرحبآ واهل الشعر تؤمن بمكتوب القدر
الحالي اطعم لذتــّه ، والمــرّ لازم تــشربه
ساهر، ومالك منه يالهبآش كرّ ولآ مــفــرَ
اعَدل مسار المركبه قدآم قنص المركَــبـه

ــــــــــــــــــــــــــــــــــــــــــــــــــ ــــــــــــــــــــــــــــ

فهد الهباش:
جتني الرسايل مثل هـمّــال المطــر لا من هــمر
مدري غلا مدري زعل مدري عتب وش أحسبه
لكن ضميري مثـــل نورن في دجى الظلـما سفر
يا ساهــر الــيا من بــنيت الحرف لازم نـعـــربه

ــــــــــــــــــــــــــــــــــــــــــــــــــ ــــــــــــــــــــــــــ

وليد المقاطي:

جتك الرسآيل واضحه خــل الـــــتردد لـ القمـــر
كــــلً وحـــقّــه ماخــذه ، كلّ الامــــور مـرتـّبـــه
غلطة عمر صارت ، وسعيك كمّل الغلطه عمر
مدري متى الهبآش عن سعيه يحوص وينتبه ؟

ــــــــــــــــــــــــــــــــــــــــــــــــــ ـــــــــــــــــــــــــــــ

فهد الهباش:

يا صاحبي نظراتنا ما هي مـثل كلّ النــظــر
والفكر ناضج والقمر خلّه وش اللـي قـرّبه
الحمد لله نظرتي جت مثل نقشن في حـجــر
ما هو خطأ علمن نراهن به لزومن نكسبه

ــــــــــــــــــــــــــــــــــــــــــــــــــ ـــــــــــــــــــــــــــــ

وليد المقاطي :

النــظــره اللــي ماتصــيـب إلا على جلسة سَمر
تسعين بالمــيــة عـــلى الموضوع لازم تقــــلبه
اللـــــي دعــــيــــتــه بالامر عانه تراجـع بالأمر
آمــآ نكــبـــك بكــلمــته والا إنـتّ لازم تــنـكــبـه

ــــــــــــــــــــــــــــــــــــــــــــــــــ ـــــــــــــــــــــــــــ

فهد الهباش :

والله قـهــر عيّا خويّـــــي ما فهم والله قــــهــر
حتى الكلام الزين ماقاله..وش اللّي عــصّبه
اللي دعيته جا لجل عيني مثل لمح البــصـــر
من بعد ما حقّه خذاه وما حدن منه اسـلـــبه

ــــــــــــــــــــــــــــــــــــــــــــــــــ ــــــــــــــــــــــــ
وليد المقاطي :

مآمن قهر ، قول الحـقيقه دائماً مـــثــل الجــمَـر
خصً لاصار اصويحبي معروف وشـهو منســبه
يا الصايم افطر ، سمّ اخذ فنجآل واقدع بالتــمــر
اقول لك ثور ، وتـــجــــي وتقـــول لازم نـحلـــبه

ــــــــــــــــــــــــــــــــــــــــــــــــــ ــــــــــــــــــــــــ

فهد الهبآش :

أبا أسئلك ياصاحبي واشفيك تضرب عالوتر
غلط غلط هذا الوتر محذور جـنّب مضـربه
السيل لامنّه حدر ..من نفعــته وش ننتــظــر
لكن سدودي تمسكه.. ويجيك خالي الأتربه

ــــــــــــــــــــــــــــــــــــــــــــــــــ ـــــــــــــــــــــــــ

وليد المقآطي :

لنآس يا الغالي ماتدري وش مقآديم القبَر
اما بوسط النآر ، والا الجنّات بأعلا مرتبه
مليت من كلمة صبر صبر صبر صبر صبر ،
امآ يفيد الشعب والا وش يبي في منصبه ؟

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

فهد الهبآش :

ترى العرب وقت الشدايد تنتظر وين الصقر
وانته صقر لكن بعض الأحيان خـانه مخلبه
لو كــنــت وازنــها ترى ماجفّ ياشيخ الحبر
لا شــك مثــلـك عــنده القدوه وعـنده تجربه

ــــــــــــــــــــــــــــــــــــــ
وليد المقاطي:

الذيــب لاهرول تركّـد يآفــهد واخـذ الحــذر
صآحبك مهمآ صآر تعرَف يارفيقي مذهـبه
خابر وسآكت مير مابغى افتّح عيون البشر
عان "الأديب" امركزّن معنا وكلّش يرقبه

المصدر: الملتقى الجماهيري للشاعر محمد بن فطيس المري