الدنيـــِــــا اكبررر مدرسه نتعلم منها

[مغروره انا]

ا‏​لضيق ما هو بالسعه ... و المساحه
الضيق لا ضاقت بك قلـوب و ارواح

والبعد عن ما تكره النفس ... راحـه
من لا توده ... فارقه يوم ... ترتـاح

وتبسمك بوجيه ربعـك ... سماحـه
خلك بشوش ... تعيش بـأيامك افراح

وحظك يعزك مـن يرفـرف جناحـه
يجيب من ودك يجـي لـك ولـو راح

والكبـر لله ... والتكـبـر بجـاحـه
والوقت نصه "جد" ... والباقي "مزاح "

والصوت حشمه ... وارتفاعه وقاحه
كذاب ... من قال انطح صياح بصياح

والحب يبدل صحـراء الايـام واحـه
اذا حضر ... يلغي مسافـات وجـراح

و أما الزعل ... لا بد تكبـح جماحـه
اصبر تشوف ان الفرج بارقـه ...لاح

والحق يثبـت فـي كـلام الصراحـه
مثل السماء ما همها النجم لو طـاح

بعض العيون تشوف فيها ...شفاحـه
ما كنها الا بس " نظـرات الاشبـاح "

وعيون تاخذ هاجسـك لـانشراحـه
نظراتها تحنـان ... والرمـش ذبـاح

كم كحل ضم الشوق والدمع ... ازاحه
و ياما كحل يقعد له سنين ... ما ساح

ودنياك لـو ضاقـت بكـل المساحـه
تلقى السعه والحب ...بقلـوب وارواح

تقبلوني،،،،،،،،،،،،،،

 

 

 

 

 

 

 

 

[الماسـه]

مــغــرووووووووووورهـ تسلمي والله
إبـــدااااااااااااااااع
بـــلااااااااااااا..حـــدوووووووووود

[بن سيف]

والحب يبدل صحـراء الايـام واحـه
اذا حضر ... يلغي مسافـات وجـراح

هلا والله وغلا (مغروره أنا)وشلونك .. للامانه ذائقه اكثر من رائعه .. انت شئ جميل في هذا المنتدى ..

في طرح سابق لك في هذا المنتدى(قسم منتدى الفكر ) .. طرحتي موضوع جميل ومؤثر جدا مطلعه .. ترافقت أنا وخوي وذيب ......الخ واليوم تطرحين لنا ذائقه جديده وجميله كاسابقتها .. بصراحه لا أنكر اعجابي بما تطرحينه .. واتوقع الايام القادمه بأن يحفل متصفحك متابعه غير عاديذه ممن يهمهم الطرح الراقي والجميل الذي يعكس شخصيّة وثقافة صاحب الطرح .. وساكون ممن يتابعون جديدك أولا بأول .. .. تقبلي مروري و أحترامي .. .( يستحق التقييم ) والفايف أستار ..

[مغروره انا]

مشكوره حبيبتي الماس وهذا من ذوقج،،،،،،،
،،،،،،،،،،،،،واسعدتني مشاركتج لي،،،،،

تقبليني،،،،،،

[مغروره انا]

(((بن سيـــــــــِف)))
أخجلتني بهالكلام اللي نابع من مشاعرك الجياشه
واحساسك المرهف،،،،،
وأشكرك ع مرورك وتقيمي،،،
وان شاءالله اكون عند حسن ظن الجميــــــــــــع
،،،،،،،،،،،،
تقبلنـــــِــــٓي