گڷّ اڷـξـيۉن إڷڷي تڜُۉفُگ ! ڷيتہآ [ عينَيِ ●» ‏(

يوم زان الجو عندي والأمل يرقابي
قلت والله دامني رايق لنوٌر دربه

يا أحب الناس عندي يا أعز أحبابي
خذ قصيدٍ لاتكدر خاطرك تسهربه

تذكره وتردده وتحلله بغيابي
وتفهمه وش مقصده من مبعده من قربه

فيه منك وفيه من شخصيتي واعرابي
وفيه من شم النخيل وبه خصوبة تربه

احسب حسابي ولا شفتك يضيع حسابي
ما حسبته قبل اجيك مشاهدك يكفربه

اذكر إني جيتك اعلن عن صريح إعجابي
وشفت لونك غير لونك والخجل يزهربه

وادري إني يوم أعاتب تستلذ عتابي
وتدري أشعر في عتابك نفس ما تشعربه

كل ماتقسى وتهجرني يزيد عقابي
لكن ادري أنك أنك أنك أنك ذربه

والله إني أقصد أحياناً أجي متغابي
درس أخذته من سنين التجربه والغربه

المهم إسمع كلامي واسمعوا يااصحابي
ما رأيته كان لابد أذكره واجهربه

شفت شخص ٍ زوٌد الحيره على استغرابي
هو يبي يكبر ولكن هرجته تصغربه

شخص لا يمكن يكون بحالتي أدرابي
السنع شرق الطريق وهو تيمم غربه

مارفع ضغطي ولاغيٌر هدوء أعصابي
ناره اللي شبها في داخله تسعربه