لـفـ ح ــات بــ ع ــض الــ هـ ــبايــب

[عــبــدالــعــزيــز]

حسبي على لفحات بعض الهبايب
......................... ليه أحرجت راعي الهدوم الوسيعه
جارت عليه وبينت كل غايب
........................ والزين صلفــــات الهــبايب تشيعه
أقبل يجر خطاه ماهوب هايب
......................... واقفى ورجله من خجلها سريعه
على الحيا مجبول طبع ووهايب
........................ياحلوهـــا ياهل الشرف من طبيعه
أعف ّ واطهر من رباب السحايب
........................ماداج بدروب الخنـــــا والخديعه
ظبي ٍ عليه الزين والملح ذايب
........................حط الحشــــا مرتع هواه وربيعه
راح يتخزز بالبني ّ الطرايب
............................متفــــرد ٍ قـــدامهن بالطليعه
واقفن وراه المترفات الرعايب
............................يتلـــهن تل العنــــود التليعه
راح ورماني بالعيون الصوايب
........................الساحــرات الذابحــــات الوسيعه
سود ٍتسوي بالقلوب العجايب
.......................عكف ٍ هدبـــها بالملاقــــا بتيعه
من لاحظتني شفت منها الغلايب
......................طعنــاتها بين الحنايـــا شنيـعه
الله خلقها للمنايا سبايب
...................باثارهــا تلقى الخوافــــق صريعه
من قبلها والقلب داله وتايب
..............ومن عقبها ضــاقت علي الوسيـــعه

 

 

 

 

 

 

 

 

توقيع : عــبــدالــعــزيــز

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]