قصيدة محمد ابن الذيب في وضحه __ ورد الشاعره (النود)ـ علـيها ..!

[آنثى بشموخ القبآيل]

السلام عليكم ورحمة الله وبركاته ..

ذي قصيدة الشاعر محمد ابن الذيب العجمي في وضحه والكل سـامعه ..


تسمعوا يوم أجر الصوت

ياهل القلوب الهواويه

الهجر بين العرب ممقوت

والوصل ياحيك وحيّه

ياهاجسي قبل يفوت الفوت

عندي رساله خصوصيّه

علم هل المغرب وبيروت

حتى بنات السعوديه

واللي ورى الكوت واهل الكوت

والمسلمه والمسيحيه

وضحى غلاها ترى منحوت

بين الضلوع الشقاوية

منها يغار الشهد والتوت

وتغار الأرض الطبيعيّه

والدر واللولو والياقوت

........... البنت حوريه

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه


وهذا رد من شاعره سمعت القصيده وردت عليه واسم الشاعره ][][ الــنــود ][][



ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت ياميــــــــّه



.

 

 

 

 

 

 

 

 

[ماعاد يمديك]

الله الله
ولاهنتي ياانثى على الطرح ويعطيك الف عاااااااافية

[حاسن عباد السفياني]

انثى بشموخ اشكرك على النقل المميز الذي تفوق فيه العنصر النسائي باالإبداع


أقولها لك واجر الصوت

وأفخر وانا بنت ياميــــــــّه

ونعم في رجال يام وبناتها ولاهانو باقي قبائل الجزيره العربيه وتقبلوا مروري

[صاحبة سمو]

لاهنتي والله على هالابيات

ابدعتي يالغلا

كل الشكر والتقدير

[آنثى بشموخ القبآيل]

لآهنتوا ع المرور ..

[البــراق]

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه
.,..,.,..,.,.,
آبدآع ألقصيده
لآهنتي ع آلنقله وتقبلي مروري

[آنثى بشموخ القبآيل]

ولاهنت ع المرور ..