شرح قصيدة العقاب للشاعر محمد بن فطيس

[عيوني حزينه]

[ALIGN=CENTER][TABLETEXT="width:100%;background-image:url('http://www.q8boy.com/images/suzt3p0dl1mt2u5xnt2s.png');"][CELL="filter:;"][ALIGN=center]
السلام عليكم ورحمة الله وبركاته


نعود لكم من جديد


المهم واحد طلب مني والله ماذكر اسمه طلب مني فصيدة العقاب


ترى انا امسح الرسائل بسرعه بعد ما اكتب الطلبات في مجلد ..

كثيره والله الطلبات <-- لك شعبيه ماشاء الله


المهم على ما اعتقد اسمه عنجليزي


ياجماعه مثل ماقلت لكم الشرح اجتهاد شخصي غير معصوم من الخطا

اتمنى يعجبكم الشرح بعدين جبنا خاصيه جديده بعد مالقيت ان اشروحاتي تسربت في المنتديات < الله لايوفق من سرقها ونسبهاا لنفسه بعد ما تعبت وحالتي يسوي نسخ ولصق ويقول سويتها انا حسبي الله عليهم<-- وده يكمل الدعاء بس مابي ادخلكم الحزن لاحقين على قصيدة ابوحمد وحزنها الشديد العقاب يالبيه بس

المهم حطيت لكم الشرح في مقطع يوتيوب ان شاء الله يعجبكم لحفظ الحقوق فقط وعلشان ماتنسرق مثل شروحاتي السابقه .. طبعا المقطع الثاني سريع يعني حاولو تلحقون الشرح بسرعه علشان تحمون بسرعه اليوم برد


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]





وسلامتكم ولا تحرمونا تقيييمكم


واللي يبي يسرق الحين يسرق حلال عليه اهم شي الحقوق وذكر نكي العزيز
[/ALIGN][/CELL][/TABLETEXT][/ALIGN]

 

 

 

 

 

 

 

 

توقيع : عيوني حزينه

[waleed]

بيّض الله وجهك يالعقآب على التحليل الموفق ولاهنت
وصح لسان ابوحمـد ولآهآن ،،
وسلمت لنآ يَ افضل من يشرح القصائد

لك تقديري وتقييمي

[الهــــــــوى]

عيوني حزينه .... لاهنت ع المجهوود ...بس للاسف ماطلع عندي الفيديو

بحاول مره ثانيه ......


تحياتي لك.

[ألاداره]

::

لاهنت عيوني حزينه..شرح وافي وكاافي وهذي من عوآيدك..
ماقصررت..
الله يعطيكِ العافيه..ويقطع من لطشش منك

تقبل مروري يابعدي

[شكسبير اليامي]

لاهنت ياعيوني حزينه
ع العموم اشوف ان شرح القصيده بشكل عام يضيع جمالية القصيده
او تفسر بطرق اخرى ع اهواء المفسر
تحياتي لك

[الهــــــــوى]

..يعطيك العافيه ماقصرررت ..... تستاهل التقييم .

[unique brilliant]

السلااااااااااااااااااام عليكم ورحمة الله وبركاته
يمسيكم بالخير يا الربع
بيض الله ويهك على الإبداع و على الفن والذوق في تفسير الابيات
و بيض الله ويهك دنيا وآخره بسبب الاختيار الراقي لهاي القصيدة اللي يصد عنها الكثير لقلة فهمهم لها و انا بصراحة اعتبرها معلقة بكل ما تحمله الكلمة من معنى
والله انها قصيدة تدرّس من إبداعاتها و انا بصراحة على قولة البدو يوعان كلام و من زمااان ادور حد اتكلم معاه بس عن بن فطيس الأسطورة و أعجوبة شعر هذا الزمان واللي تفوق به على الأزمان السابقة
وهاي أول مشاركة لي اتشرف يها معاكم و اتمنى تدوم المشاركات و انا بصراحة اشتركت خصوووووصا عشان اشاركك بعد ما شفت إبداعك فهالموضوع
يا العقااااااب : آآآآآآه بس يا هالقصيدة كم تغنيت بها و كم وسّعت صدري و كم ونستني و كم خاوتني فسيارتي و السي دي الغالي اللي هي فيه
انا اعتبر ان لكل قصيدة "بيت قصيد" لكن هالقصيدة لها أكثر من بيت قصيد و السبب كله علوّ كعب بو حمد و تفننه و روعته والشاهد الله
و طبعا اخوكم ترا شاعر – و متأثر جدا جدا بفن بوحمد السهل الممتنع اللي ما يقدر يجيبه لا احد قبله ولا بعده
عالعموم انا لو بابدأ اتكلم عن تأثّري و إعجابي بمحمد بن فطيس المرّي أكيد اني راح اطوّل و ازعجكم
"مثل ما يقولون ربعي " دايما يقولون ياخي انته كرّهتنا الشعر و الشعراء من كثر ما تعد لبن فطيس و كثر ما تتكلم عنه
عالعموم مرة ثانية ههههههه الله لا يهيتك يا اخوي انا عندي كمن ملاحظة و بالتأكدي تراني استفدت من موضوعك الرائع و استنتجت منه الكثير
و ترا والله ان بن فطيس قصيده ما ينمل و اخوكم كل ما يسمع قصيدة و الله احس اني اول مرة اسمعها و اتعلم منهاو باذن الله راح نسمعكم لاحقا بعض من محاولاتنا لمجاراة الأسطورة بن فطيس

انا ملاحظاتي على بعض الابيات :
يوم يقول : ما لختالي علي حجة وانا سلة ودلة
انا اعتقد انه قصده البراءة و الحب العذري بينه وبين محبوبه و الدليل أنه لو يحاول أي حد يختل "يعني يتجسس أول يدور عليهم عذاريب" أنه راح يفشل ولا رح يحصل عليهم أي حجة غير جلوسهم و حبهم العذري و سلتهم للطعام و دلة القهوة دليل البداوة و البراءة و النخوة البدوية اللي تبتعد عن كل منقود .
يوم يقول : بين كفوف ملّه
انا اعتقد انه يقصد بالمَـلة : الإناء - حيث ان الميم مفتوحة ومب مكسورة بمعنى الاهل أو الجماعة والطائفة

يوم يقول : خايفن ما الله يتمم واعرف ان فلان عله
أحسنت وانا اتفق وياك انه العذول

يوم يقول : قلت ما تدري و انا الداري بعاقبة التماني
اللــــــــــــــــــــــــــــــــــــــه الله الله الله الله على هالبيت
يا ناس يقشعرّ جسدي كل ما سمعت ولا قريت هالبيت
ياناس شوفوا الإبداع و شوفوا كيف اختصر محادثة كااااااااااااااملة بينه وبين محبوبه بمجرد شطر بيت
انااعتقد انه يقول : في المحادثة بينه وبين حبيبه هو كان يطمّن حبيبه و يقوله : ياخي انته ما تعلم الغيب و ماتدري شو بيكون نصيبنا و لازم تتفاءل - - - - لكن في نفس الوقت يقول : (وانا الدّاري بعاقبة التماني) يعني انا بس اقوله ماتدري شو بيصير و يمكن يكون خير بالرغم من أني انا شخصيا عارف و داري و فاهم وش عاقبتنا و وش بيصير
هالبيت هو بيت القصيد مع اكثر من بيت آخر منها : وراحت سنين التلاقي – قلتها ما قصدي انه يقال صح الله لساني و الكثير الكثير من الابيات الرائعة

يوم يقول : بس لا تشره عليّ لو لبّسوني غصب حلّة :
انا اعتقد و اختلف وياك فالرأي بأنه كان يقصد ان حبيبه قالّه : أنا أعطيك وعدي و حبي و عهدي اني ما أخونك لكن لا تلومني لو زوّجوني بالغصب و لبّسوني حلّة الزواج و الحلة يقصد بها لباس العرس و مب الكفن

يوم يقول : مادرى عن حبنا الا ظل محبوبه وظله
انا اعتقد واختلف وياك فالرأي بعد و اشوف انه قصده يقول : انه محَد كان معاهم ومحَد شهد على حديثهم وعهدهم الا الظل والشجرة و محبوبه وبس
وهالكلام دايما تستخدمه الناس مجازيا مثل لمّا حد يبا يقول انه وحيد و لا حد قعد معاه يكلّمه يقوم يقولك : والله كنت قاعد ومحَد كلّمني الا هالكنبة أو هالصخرة و من هذا القبيل
يعني يقصد انه يقول انا اجتمعنا انا ومحبوبي و تعاهدنا و تصافينا و افترقنا و مضى بنا الزمن و عهدنا ذكراه من مكانه و من الشجرة والظلّ
و هذا طبعا رأيي المتواضع اللي يمكن يكون غلطان
عالعموم القصيدة ترا موسوعة علوم و فهم و عبارات و إيحاءات و فن و ذوق و روعة و أسلوب و جمال و إحساس و أكيد شعر عااااالي الكعب و رفيع المستوى و راقي جدا جدا جدا
و انا بس حبيت اعلّق على موضوعك و بدرجة أكبر على ذوقك فالاختيار لهاي القصيدة الموسوعة
و العذر و السموحة منك على ملاحظاتي و اتمنى انها تنال القبول و طبعا الاختلاف فالرأي لا يفسد لولد قضية
خصوصا عند متذوق للشعر مثلك وشرواك
واتمنى اتشرف بردك و تجاوبك
و السموحة

[سمـ المراجل ـو]

عيوني حزينه مبدع دائم في طرحك وشرح وافي ولاعدمناك

[عيوني حزينه]

الله لايهينكم على الحضور الجميع


بالنسبه لتعليق الاخ unique brilliant


اولا سيعد جدا جدا باعجابك وبتعقيبك اللي اضاف الشي الجميل

ايه انا ابي الموضوع كذا ابي الكل يضيف ويعبر ويعطيني رائيه واللي يحس فيه

المهم وقبل لا اعقب على درك بقولك شي انا قبل لا ابدأ فالموضوع وفي بداية المقطع ذكرت ان هذا العمل اجتهاد شخصي واكيد غير سالم من الاخطأ

المهم

انت تقول

اقتباس يوم يقول : بين كفوف ملّه انا اعتقد انه يقصد بالمَـلة : الإناء - حيث ان الميم مفتوحة ومب مكسورة بمعنى الاهل أو الجماعة والطائفة

مافيهمت وش تقصد بالضبط ؟؟ واعتقد انك كررت كلامي في الشرح


وايضا تقول

اقتباس يوم يقول : خايفن ما الله يتمم واعرف ان فلان عله أحسنت وانا اتفق وياك انه العذول

وانت كذالك احسنت



وايضا تقول اخوي

اقتباس يوم يقول : بس لا تشره عليّ لو لبّسوني غصب حلّة : انا اعتقد و اختلف وياك فالرأي بأنه كان يقصد ان حبيبه قالّه : أنا أعطيك وعدي و حبي و عهدي اني ما أخونك لكن لا تلومني لو زوّجوني بالغصب و لبّسوني حلّة الزواج و الحلة يقصد بها لباس العرس و مب الكفن

لا ياحبيبي اختلف معك فانا ذكرت فالشرح ان الشاعر ومحبوبه بدى يتفاخران بمدى حبهم ووفائهم وكل منهم اخذ اصعب شي في الوجود فاختار محبوب شاعرنا الموت .. وذكر شاعرنا ذالك في الشطر الاول حين قال .. قال شف ( الموت ) لو بيدي ماهوبكفو لخذاني .. هنا صريحه وواضحه انه يقصد الموت


والحله عزيزي كلمه بدويه تطلق على اي شي فيقال حلة العري حلة الموت حلة الحفله حلة الرقص حلة الزينه وهي عامه وغير مخصصه للزواج فقط



وتقول يالغالي

اقتباس يوم يقول : مادرى عن حبنا الا ظل محبوبه وظله انا اعتقد واختلف وياك فالرأي بعد و اشوف انه قصده يقول : انه محَد كان معاهم ومحَد شهد على حديثهم وعهدهم الا الظل والشجرة و محبوبه وبس وهالكلام دايما تستخدمه الناس مجازيا مثل لمّا حد يبا يقول انه وحيد و لا حد قعد معاه يكلّمه يقوم يقولك : والله كنت قاعد ومحَد كلّمني الا هالكنبة أو هالصخرة و من هذا القبيل يعني يقصد انه يقول انا اجتمعنا انا ومحبوبي و تعاهدنا و تصافينا و افترقنا و مضى بنا الزمن و عهدنا ذكراه من مكانه و من الشجرة والظلّ

محبوبه وظله ؟؟ ركزت عليها ولا طوفتهاا يعني محبوبه الجديد فهل كان ظل محبوبه الجديد مع شاعرنا وقت سنين التلاقي ؟؟؟



على العموم اكثر واحد سعدت برده هو انت وغير قصور بالاخرين واحترم رائيك واختلاف الرائي لا يفسد للود قضيه


لاهنت يالغالي وسعيد والله بنقاشك وانا مستعد للرد والتعقيب .. وان شاء الله نقتنع جميعا


لك تحيه

[الهــــــــوى]

مداخله .....

المله المقصوده ماهي الانيه على قولتك أعتقد ان المقصود هو :

عندما تكون النار مشتعله منذ فتر ه تتكون ( المله) و هي الرمل الحار