ذليّت نفسك...

[عامر]

مـاكـــل واحــد يكتب الشـعـــر دلّــه
ولا كل من يرمي رصاصه يصيـدك

ذلّــيت نفســك كيـف ترضـى المذلّـه
ولك وجـه تكتب عن تفاهة جديـدك

لا قـامت الــقشـــرا وحــسيت علّـــه
دوّر كبيــر القــــوم قـلــّــه يميــــدك

الثـــوب ذا ماهو بـ مـلبســك خــلـّـه
ثــــوبٍ لــبستــه لا تضّــنـــه يفيــدك

ســـوطـي مسـلّـط مـن بغيتـه يصـلّه
بجـلـدك وان تبغــى زيـاده بـــزيــدك

ان كان تبغـى زبـدة الـهـــرج كـلّــه
تمــوت ما تــوصـل مواصيـل سيدك

 

 

 

 

 

 

 

 

[أم عمر]

الشاعر عامر

قصيده جزلة صح لسانك ولا هنت


واهلا وسهلا فيك في الملتقى الجماهيري للشاعر محمد بن فطيس حفظه الله


بانتظار جديد قصائدك وحياك بينا اخوي


تحيتي وتقديري

[عامر]

اقتباسالمشاركة الأصلية كتبت بواسطة لولوه المري

الشاعر عامر

قصيده جزلة صح لسانك ولا هنت

واهلا وسهلا فيك في الملتقى الجماهيري للشاعر محمد بن فطيس حفظه الله

بانتظار جديد قصائدك وحياك بينا اخوي

تحيتي وتقديري

الاخت لولوه المري

تسلمين يابنت الرجال وصح بدنك الله لا يهينك

اشكرك كل الشكر

[رشيد]

صح لسانك اخوي
القصيده من كتاباتك.؟

[عامر]

اقتباسالمشاركة الأصلية كتبت بواسطة رشيد
صح لسانك اخوي
القصيده من كتاباتك.؟

صح بدنك يالشيخ

سؤالك يدل انه وراك علم منت قادر تقوله
لكن جوابه هو الميدان انت والا اي شاعر مطنوخ
وتراني ما انازل الا المطانيخ والميدان قدامك حياك

[علي المحوري]

اقتباس المشاركة الأصلية كتبت بواسطة عامر مـاكـــل واحــد يكتب الشـعـــر دلّــه ولا كل من يرمي رصاصه يصيـدك ذلّــيت نفســك كيـف ترضـى المذلّـه ولك وجـه تكتب عن تفاهة جديـدك صح لسانك على هالكلام لا قـامت الــقشـــرا وحــسيت علّـــه دوّر كبيــر القــــوم قـلــّــه يميــــدك الثـــوب ذا ماهو بـ مـلبســك خــلـّـه ثــــوبٍ لــبستــه لا تضّــنـــه يفيــدك كلام درر ســـوطـي مسـلّـط مـن بغيتـه يصـلّه بجـلـدك وان تبغــى زيـاده بـــزيــدك ان كان تبغـى زبـدة الـهـــرج كـلّــه تمــوت ما تــوصـل مواصيـل سيدك

انشهد اكيد ما يمديه يوصل لله درك من شاعر





اخوي الشاعر الجميل عامر كتبت فأبدعت لا فض فوك

سجلني من احد متابعينك

تحياتي لشخصك الكريم

[عامر]

اقتباسالمشاركة الأصلية كتبت بواسطة علي المحوري

انشهد اكيد ما يمديه يوصل لله درك من شاعر

اخوي الشاعر الجميل عامر كتبت فأبدعت لا فض فوك

سجلني من احد متابعينك

تحياتي لشخصك الكريم

ههـء
ولا يحلم.. هو يعرفه زين المعرفه..
والعلم جاه.. لكن يسوقها.. وانا اعرف اتعامل
مع الصنف هذا زين.. لاتشغل بالك
...............

مرحبا تراحيب المطر بالشاعر المبدع على المحوري

سلم راسك لاخلا ولا عدم مرورك شرف لي طال عمرك

وبيض الله وجهك على اطرائك

كل الشكر والامتنان لشخصك الغالي