ليلـ الهوى بحريـ ..ا هـ

ليّه قصيدة طبّحت منتحرِِ

.
.
.
ليه قصيده للأسف منتحره
من ليلها بالمشنقه منحوره

الي يحب الستر يلقى ستره
ومن لا يبالي ينكشف مستوره

وش عذرطعنات القفا في ظهره
وليه ابتدى بالجرح قبل ظهوره

زادت مواجعنا تفاهة عذره
واسلوب صبياني وعلم بزوره

ليته بلعها واحتسب منها اجره
يمكن يخف الضيق في مقدوره

ياشعري آسف كثر نزفك حبره
وآسف.. كثر صفحاتك المنثوره

وكثر الحروف لي تسطر ذكـره
وكثر القصيدالي طرى المذكوره


و كثـرة نجـومِ بالسما منتثـره
وكثرة احاسيس الهوى المهدوره

علمك رخيص الي ذكرته عشره

مبدا الشعر وينه فقدنا عطره
ليه زمن ماشفت ومضة نوره

من ضافنا للشعر.. ياخذ عبره
نقلب له امواج الشعر وبحوره

ياكم فاق الحمل حد القدره
حملت فوق الطاقه مقدوره

بيدي رسن خيل القصيد ومهره
وايضا عليها بصمتي المشهوره