ي مل عين

[حمد بن محمد المري]

السلام عليكم ورحمة الله وبركاته ..

اعتذر عن قلة تواجدي و عسى ان ترضيكم هاذي القصيده المتواضعه بعد طول الغياب :

ي مل عين(ن) هلت الدمع همال*
و ي مل قلب(ن) ينثر الدم سايل*

وي مل هقوات(ن) غدت دون غربال*
وي مل راس(ن) راحته بالقلايل*

من حب خل(ن) / عهده اليوم لا زال*
لآكنْ حدّتنا سلوم القبايل*

ورآني الموت الحمر واشهب اللال*
والكبد منّه حرّها بالغلايل*

ظبي(ن) جفول وكنه الغصن لا مال*
والنهد كنه من ورا الثوب عايل*

والجسم كنّه للردف فوق يشتال*
والظهر مفهوق(ن) مع البطن نايل*

كنّ الجدايل لالتفت حبل محال
والعين مثل اللي على الرجم طايل

شي(ن) يقال وشي ماهوب ينقال*
عن وصف بعض الحسن مانيب قايل*

واليوم عهدي به مسنجر وجوال*
و اول تواصلنا مهو بالرسايل

ي لايمي بالحب ما جاك محتال*
يسرق فؤادك يحرقه بالقوايل

لو يشترى وصله ثمين(ن) من المال*
في ذمتي لـ شريه والشك زايل

و سلامتكم ،،،

 

 

 

 

 

 

 

 

توقيع : حمد بن محمد المري

ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا

[مخاوي الدروووب]

وعليكم السلام ورحمة الله وبركاته

اعتذر اخوي على قصيدتك القصيده فيها من الكلام خارج الاحترام

بمعنى كلمات فاحشه يشهد الله اتمنى عدم طرح القصائد اللي غير لائقه

رجاء اخوي حمد تقبل وجهة نظري تجاه قصيدتك .

[علي العنزي]

ارحب يآهلا ويامسهلا ,,,

صصصح لسسسانك واعتلى شششانك بقمه الشاعريه والذوؤؤؤق ,,, استمرررر

[حمد بن محمد المري]

مرحبا بك اخوي ( مخاوي الدرووب )*

احترم رأيك و القصيده ما بلغت مستوى الغزل الفاحش بوجهة نظري و توصيف جسد المرأه المعروف ب ( الغزل ) موجود من عصر الجاهليه و امتد الى العصر الاسلامي والى عصرنا الحديث و من ضمن الشعراء المعروفين عن الغزل ( الشاعر عبد الله بن سبيّل ) .. و له بيت من قصيدته الغزليه يقول :*

ابو نهيدٍ في حشى الصدر مزموم
بيض الحمام اللي رفاع قيوفه*

..*

ويقول ( الاعشى ) :*

غراء فرعاء مصقول عوارضها*
تمشي الهوينا كما يمشي الجوى الوجلُ

كان مشيتها من بيت جارها*
مر السحابة لا ريث ولا عجلُ

[حمد بن محمد المري]

اخوي / علي العنزي ..

صح ابدنك و اشكرك على مرورك المعتّق ب دهن العود و على الثناء و كلك ذوق طال عمرك

[غنوة الحب]

لو يشترى وصله ثمين(ن) من المال*
في ذمتي لـ شريه والشك زايل



صح لسانك

[حمد بن محمد المري]

غنوة الحب :

صح ابدنش و ذآقتش الرفيعه

[حمد بن محمد المري]

غنوة الحب :

صح ابدنش و ذآئقتش الرفيعه

[زياد الدليمي]

♥إلـے أغلـے ناسے♥
♥♥♥♥
وحق من نزل الآية ولفهة
تهيج ألروح من تذكر ولفهة
 لحط روحي بطن روحك ولفهه
وتظل إنت اعز أنسان أليه@

[علي المحوري]

اقتباس المشاركة الأصلية كتبت بواسطة حمد بن محمد المري السلام عليكم ورحمة الله وبركاته .. اعتذر عن قلة تواجدي و عسى ان ترضيكم هاذي القصيده المتواضعه بعد طول الغياب : ي مل عين(ن) هلت الدمع همال* و ي مل قلب(ن) ينثر الدم سايل* وي مل هقوات(ن) غدت دون غربال* وي مل راس(ن) راحته بالقلايل* من حب خل(ن) / عهده اليوم لا زال* لآكنْ حدّتنا سلوم القبايل* ورآني الموت الحمر واشهب اللال* والكبد منّه حرّها بالغلايل* ظبي(ن) جفول وكنه الغصن لا مال* والنهد كنه من ورا الثوب عايل* والجسم كنّه للردف فوق يشتال* والظهر مفهوق(ن) مع البطن نايل* كنّ الجدايل لالتفت حبل محال والعين مثل اللي على الرجم طايل شي(ن) يقال وشي ماهوب ينقال* عن وصف بعض الحسن مانيب قايل* واليوم عهدي به مسنجر وجوال* و اول تواصلنا مهو بالرسايل ي لايمي بالحب ما جاك محتال* يسرق فؤادك يحرقه بالقوايل لو يشترى وصله ثمين(ن) من المال* في ذمتي لـ شريه والشك زايل و سلامتكم ،،،

الشاعر القدير حمد المري

سلم راسك وبيض الله وجهك على هالابيات

في غاية الالروعه الجمال

تقديري واحترامي