موطن كلمات المنفى

رد: موطن كلمات المنفى

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

فيك انت مانسمع حكي عذاله
والقول ماننشد عن اللي قاله

مقامك اسمى من كلام الواشي
وغلاك ماحد واصلٍ منزاله

ماقال حامض ياعنب غير اللي
يبطي وهو يطاوله ماطاله

بس انت يابيض وجه لاتمحنا
وتسمع كلام العالم البطاله

اللي مصالحهم على فرقانا
ياكثرهم على قفا الشياله

لو تدري اني فيك اخاصم نفسي
وتجيني الحاله مع ام الحاله

واقعد اقزر ليلتي بعتابي
مثل الهبيل اللي يهوش ظلاله

والنوم حطته انتظار عيوني
يرن لما ينقطع جواله

وحاجات لو اقول ماتصدقني
ماظن حتى قيس جت في باله

ان كان ماقدرت هذا كله
عزاي في قلبٍ تهدّم جاله

حافظ وصان وحب واخلص واوفى
وامسى ضحية طيبات اعماله

المصدر: الملتقى الجماهيري للشاعر محمد بن فطيس المري