الاجاويد

[حمد بن محمد المري]

السلام عليكم ورحمة الله وبركاته

اعذرونا على طول الانتظار / وعندي قصيده متواضعه واتمنى ان تعجبكم وترقى الى ذائقتكم الشعريه :-

يــالــله يا رزآق للعـبد وتــــزيد*
يا محيي الوديان لا سال سيله

طاريك في بالي واردده ترديد
ببدا به الابيات مافيه ميله

طالبك يالمعبود فعّال ما تريد
ياللي يدين الناس دونك بخيله

تبعد لنا الشرهات وحكي المقاريد
احكاهم اللي سم حالي عليله

وجدي لمن رز العزا ليلة العيد*
وقلبه كما دله يزايد غليله

الطيب خصله في قلوب الاجاويد
من يزرع البذره بيلقا حصيله

والطيب نقص وعيب لا صار لبعيد
ابخل بها الاقراب حتى خليله

ما قول / به ناسٍ مافيهم مناقيد
ما كامل الا الله وخير الفضيله

وســــــلامــــــتكــــم .

 

 

 

 

 

 

 

 

توقيع : حمد بن محمد المري

ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا

[خالد العبيريد]

سبحانه ربي,,

وعليكم السلام ورحمة الله وبركاته ,,

هلا ومرحبا يابو حمد حياك الله ,,

كل عام وانت طيب والله لايهينك على تواصلك يالوافي ,,

صح الله لسانك وصح قلبك ولاهنت على هالابيات الوافيه ,,

كل شكري وتقديري لسموك .

[ابوشهاب]

قصيد روعه

صح لسان الشاعر

[حمد بن محمد المري]

خالد العبيريد / صـح ابدنك و مشكور على مرورك وانا تلميذ في مدرستك

ابو شهاب / انت الاروع ، وصح ابدنك وشكرا على مرورك

[فارس الجهيمان]

صح لسانك ياحمد

ننتظر المزيد من إبداعك

[حمد بن محمد المري]

فارس الجهيمان : صـح ابدنك وابشر بالخير ان شاء الله وشكرا على مرورك ولا هنت