بعد الفقر حطت شريحة وجـوال

[مميز خلقه]

بعد الفقر حطت شريحة وجـوال ..
يسعد مسـا جوالهـا والشريحـه



كانت تجيني تشتكي قلـة المـال ..

وتصيح لاجا طاري الفقر صيحـه



تقول أبويه دايـم الـدوم رحـال ..

وأمي كبيرة سن دايـم طريحـه



وأنت الوحيد اللي لك القلب ميال ..

دايم يصارحني وأنا له صريحـه



طفله وأنا معشوقها بين الأطفـال ..

جريح حب وطاح له في جريحـه



كنا سوى نرسم على التربه آمال ..

وأحلام تقتلها الحيـاة الشحيحـه



كم دمعةٍ كانت على الخـد تنهـال ..

وإذا نزلت ضاقت على الفسيحـه



الله كم صرخة وهمسـه ومـوال ..

الله كم جـادت علينـا القريحـه



نخيل لوما في السماء برق وخيال ..

وأقول أنا ضيدان وأنتـي مليحـه



تقول لا حطيت لك بشت وعقـال..

وسخر لك الرحمن عيشه مريحه



أخاف تتركني على عثـرة الفـال ...

للفقر ووجيـه الحيـاة القبيحـه



وحبيتها بين الخلايـق والأزوال..

حبٍ يطول الوقت محـدٍ يزيحـه



وسلمتها قلـبٍ تباريـه الأهـوال...

وطاح الخفوق وطيحة القلب طيحه



راحت وخلتنى مع القيل والقـال...

شاعر صواريف الدهر تستبيحـه



ودار الزمان وغير الحال بالحـال...

وجاها الزمان بكل ورده وشيحـه



فلة وخدامـه ولكـزس وجـوال...

وأنا عجزت أدفع رسوم الشريحه



الشاعر // شجآع بن عبداللـه السوايط

 

 

 

 

 

 

 

 

[,, عسـّـاف ,,]

الله الله , صح الله ألسان شاعرها
وصح الله ذوووقك يـ تركي ..

لاهنت يـ الأمير .. ^ _ ^

[مميز خلقه]

يآهلآوغلآ

آخـوي عسـآف

لآهنت على المرور

[صاحبة سمو]

كنا سوى نرسم على التربه آمال ..

وأحلام تقتلها الحيـاة الشحيحـه


الله عليك ياتركي على هالطرح
ابدعت فيما نقلت
الله يعطيك العافيه
ماننحرم من جديدك

[عيوني حزينه]

هذا وجه الغنا لابووه


الله يعطيك العافيه ياتركي ولا يهينك


مشكور لطرحك الراقي


تحيه

[مميز خلقه]

صاحبة سموو

الجميل مروورك

ولاهنتي يالغاليه

[مميز خلقه]

عيوني حزينه

الجميل مروورك

ولاهنت

[جبرني غلاك]

مميز خلقه
:


طرح متـمــــــــــــيز للغـــــــــــــــــايه..
سلمت اناملك ع طرحك الرائع والمتألق ..
والله يعطيك الصحه والعــــــافيــــــــــــــــــه..
ولاعدمناوجودك المتميــــــــــــــــــــز..ولك خالص ودي..

: