رواية مؤلمة

[رشيد]

.


شفت العليل اللي تعب مافيه من يلقى دواه
ماله دوا يعني يعيش بعمره الباقي عليل

.

عليه لو جار الزمن والا أكثر أصحابه جفاه
لا للزمن عنده بدل ولا لأصحابه بديل

.

مثله مثل مركب هوى والريح ماتتبع هواه
إن ماغرق بإعصارها لازم عن الوجهه يميل

.

وترى الشجاع اليا وقع مكسور في قبضة عداه
يموت بيديهم عزيز أحسن ولاينجى ذليل

.

وترى الضرير إليا غدت في زحمة الدنيا عصاه
يضيع بدروب الشقا ماله مقدي أو دليل

.

كانت قصيده عابره مدري حكايه أو وصاه
والا روايه مؤلمه والجيل يرويها لجيل

.

القلب نادى يالخوي مافيه من يسمع نداه
في غربةٍ مامرها طرقي ولا عابر سبيل

.

سمعت لي ذيبٍ عوى أضحك وانا أسمع عواه
لكن تكدر خاطري لحظة عواه أصبح عويل

.

الذيب جاه اللي كفا والقلب جاه اللي كفاه
والكل منا يالخوي لو تثقل حموله يشيل

.

تدري وانا أدري من قديم الجمر يحرق من وطاه
لاتامنه ياصاحبي حتى ولو شفته مليل

.

واللي زرع شوك الندم لايزعل اليا من جناه
واللي يبي يجني بلح يرقى على جذوع النخيل

.

والكلمه اللي بدلت مرارة الصبر لحلاه
راح الكثير من الشقا ماباقي ٍ غير القليل

.

خل الأمل يرسم لنا صوره جميله للحياه
رغم الألم رغم العنا والهم والحمل الثقيل

.

حتى الرجل لامن دنا يومه وقصرت به خطاه
شف كيف تعطيه الأمل كلمة بعد عمرٍ طويل

.

كن الفرح في ناظره والحزن في بسمة شفاه
أنقى من دموع الفرح وأقسى من دموع الرحيل

.

جرح ٍ كتبته في ورق يمكن يحسه من قراه
يلقابه إحساس ٍ نبيل يحرك إحساس

...
..





للشاعر الفذ // نايف كسار الجزاع


...

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[تذكار الغلا]

دمت ودام حضوركـ بهذا التألق والإبداع
ويعطيكـ ألف ألف عافيه

[رشيد]

8
8
يعافيك ربي ويسلمك

صح لسان شاعرها ولاهنتم